Ötən günlərdə Apple şirkəti WWDC 2023 tədbirində hərkəs tərəfindən maraqla gözlənilən yeni Vision Pro eynəyini təqdim etmişdi. Bundan əlavə bir çox yenilikləri təqdim edən şirkətin yeni cihazı mübahisələrə də səbəb olmuşdu. Apple ilk öncə Vision Pro modelini sadəcə Amerika bazarı üçün təklif etsə də, daha sonra Çin bazarında da satışa çıxaracaq. Lakin bu gün məlum olub ki, Apple Vision Pro modelini Çində başqa ad ilə təklif edəcək. Buna əsas səbəb isə Huawei brendinin 2021-ci ildə Vision Pro adının ticarət nişanını almasıdır. Belə ki, çinli şirkət yeni VR eynəkləri və texnologiyaları istehsalı üçün Vision Pro marka adını almışdı.
Huawei brendi 2019-cu ildə yerli patent ofisi olan CNIPA-ya Vision Pro marka adının ticarət nişanı üçün müraciət edib. 2021-ci ildə isə Huawei Vision Pro marka adının ticarət nişanını əldə edib. Belə ki, çinli texnologiya nəhəngi 2031-ci ilə qədər həmin marka adı üzərində müəyyən hüquqlara sahib olacaq. Bu isə Apple şirkətinin Vision Pro modelinə Çində böyük problem yarada bilər. Xatırladaq ki, gələn ildən etibarən əvvəlcə ABŞ daha sonra isə digər bazarlarda yeni qarışıq reallıq eynəyini təqdim etmək istəyir.
Apple üçün kompüter texnologiyasının yeni dövrü olan Vision Pro modelinin Çin bazarına çıxması çox önəmli hesab olunur. Lakin Apple Vision Pro modelinin adını dəyişmədən Çin bazarına daxil olarsa Huawei ona qarşı iddialar qaldıra bilər. Ümumiyyətlə hərzaman Apple və Huawei ABŞ-Çin münaqişəsinin mərkəzində yer alıb. Hətta Huawei brendi yeni MatePod modelinin adını elan etdikdə Apple ilə mübahisələr başlamışdı. İndi də həmin hadisələr təkrarlanır və hər iki şirkət münaqişəyə başlayıb. Yekun qərar isə məhkəmə tərəfindən veriləcək.
