Microsoft şirkətinin yeni əməliyyat sistemi yəni Windows 12 üzərində çalışdığı artıq hərkəsə məlumdur. İndi isə texnologiya nəhənglərindən olan Intel yeni Windows 12 əməliyyat sisteminin çıxış tarixini qismən olaraq təsdiqləyib. Belə ki, texnologiya nəhəngi yeni əməliyyat sisteminin gələn il yəni, 2024-cü ildə bazara çıxacağını düşünür. Şirkətin maliyyət direktoru David Zinsner bu mövzuda danışarkən “2024-cü ilin, xüsusən də yeni Windows versiyasına görə müştərilər üçün çox yaxşı bir il olacağını düşünürük” dedi.
Əslində Intel şirkətindən əlavə olaraq, Windows 12 əməliyyat sistemi ilə bağlı olan iddialar məhz 2024-cü ilə işarə edir. Hətta bundan əvvəl ortaya çıxan CorePC üzərində mərkəzlişdirimiş planlar da yeni əməliyyat sisteminin yaxında təqdim ediləcəyindən xəbər verirdir. Intel şirkətinin də açıqlaması demək olar ki, bu iddiaları təsdiqlədi. Onu da qeyd edək ki, yeni əməliyyat sistemində fayllar, istifadəçi məlumatları və proqram faylları ayrı-ayrılıqda bölünəcək. Hazırda isə Windows 11 əməliyyat sistemində bütün sadalanan məlumatlar bir bölmədə saxlanılır.
Ümumiyyətlə Microsoft yeni Windows 12 əməliyyat sistemində iOS və Android sistemlərində olduğu kimi müxtəlif bölmələr yaratmağı düşünür. CorePC infrastrukturu həmçinin Microsoft-a müxtəlif avadanlıqlar üçün fərdiləşdirilmiş Windows versiyalarını təklif etməyə imkan verəcək. Habelə bu infrastrukturun mərkəzində süni intellekt də dayanacaq. Məhz bunu vasitəsi ilə əməliyyat sisteminin ekranında məzmunlar təhlil oluna biləcək və istifadəçilər üçün müvafiq məsləhətlər veriləcək. Qısacası deyə bilərik ki, yeni əməliyyat sistemi əsasən süni intellekt texnologiyaları ilə bizlərə yeni imkanlar təklif edəcək.
