Lenovo istifadəçiləri üçün yenililər etməyə davam edir. Belə ki, bu dəfə Lenovo bildirib ki, 2025-ci ilə qədər cihazlarını istifadəçilər üçün daha asan təmir edilən edəcək. Hətta şirkətin ağıllı cihaz qrupunun direktor köməkçisi Luca Rossi, Canalys EMEO Forum 2023-də açıqlaması zamanı şirkətin yeni planlarından bəhs edib. Onun sözlərinə görə şirkət 2025-ci ilə qədər cihazların 80%-dən çoxunu istifadəçilər tərəfindən rahatlıqla təmir edilən edəcək. Əslində bu günlərdə bütün texnologiya nəhənglərinin məqsədi eynidir. Hərkəs smartfonların daha asan təmir edilən olması üçün əlindən gələni edir.
Qeyd edək ki, avropada yeni qəbul ediən qərar da məhz cihazların asanlıqla təmir edilən olması ilə bağlıdır. Lenovo şirkəti də öz cihazlarını 2 il ərzində rahatlıqla təmir edilən etmək üçün əlindən gələni edir. Bundan əlavə Rossi, bu dəyişikliyin batareya və SSD kimi hissələrin artıq cihazların içərisində möhürlənməyəcəyini və yerində dəyişdirilə biləcəyini ifadə etdi. Ümumiyyətlə Lenovo təmir cəhətdən hər zaman cihazlarına önəm verib. Lakin yeni planlara əsasən cihazlar artıq daha asan təmir olunacaq. Təbii ki bu şirkətə də sərf edir. Çünki ehtiyat hissələri də məhz şirkət tərəfindən istifadəçilərə tədarük edilir.
Həmçinin bu addım artıq texnoloji cihazlarının zibilliyə tullanmasının da qarşısını alacaq. Çünki, istifadəçilər cihazlarını asanlıqla təmir edə biləcək və yenisini almağa ehtiyac qalmayacq. Lakin əsas məqam budur ki, şirkətlər asanlıqla təmir edilən cihazlarında sağlamlıq tərəfində də dəyişiklik etməməlidir. Məhz bu sərhəd həm istifadəçilər, həm də texnologiya şirkətləri üçün həyati önəm daşıyır deyə bilərik. Görünən odur kİ, Lenovo bu sərhədi də nəzərə alıb və növbəti illərdə bizə bunu canlı olaraq göstərəcək.
