HAARP texnologiyası ilə bağlı axtarış edirsinizsə böyük bir ehtimalla bu mövzuya bağlı 2 fərqli məqsəddən birinə cavab tapmaq niyyətindəsiniz. Ya “HAARP texnoloji silahdırmı, iqlimi və ya hansısa bir təbii fəlakətin süni yollarla idarə edilməsindəmi istifadə olunur?” sualına cavab axtarırsınız, ya da həqiqətən HAARP texnologiyası tam olaraq nədir haqqında məlumat almaq istəyən şəxslərdənsiniz.
2 mövzuya da yazımızda toxunmağa çalışacağıq, lakin gəlin ilk öncə bu texnologiyanın özündən bəhs edərək məqaləmizə başlayaq. Yəni, bir növ “ikinci” məqsədə əsaslanaraq məqaləyə giriş edək.
Yəqin ki, ilk öncə HAARP texnologiyası sözünün açılışının “High-Frequency Active Auroral Research Program” olduğunu qeyd etmək lazımdır. Hərfi tərcüməsi “Yüksəktezlikli Aktiv Avroral Tədqiqatlar Proqramı” kimi verilsə də anlaşılan dildə desək “İonosfer qatının yüksək tezlikdə tədqiqat proqramı”-dır. İonosfer qatı termosferin alt təbəqəsi olub, zamandan və mövsümdən asılı olaraq müəyyən qədər oynamalar olsa da, 80-500KM arası hissəni əhatə eləyir. Aurora adlandırılan qütb parıltısı da məhz ionosfer qatında yarandığından HAARP adının açılışındakı Aurora ifadəsinin ionosfer ilə bağlantısını anlaya bilərsiniz.
Alyaskanın Gakona bölgəsində 1993-cü ildə ABŞ hava-quru qüvvələrinin DARPA və Alaska Fairbanks universitetinin rəhbərliyi ilə yaradılan tədqiqat proqramı çərçivəsində HAARP texnologiyası adlı layihəsi start götürüb. 2007-ci ildə layihə tam potensialına çatıb, IRI olaraq qısaldılan “ionosferin araşdırma avadanlıqları”, 180 ədəd olmaqla 22 metrlik ötürücüdən ibarət olub (antena) 13 hektarlıq əraziya quraşdırılıb. Ötürücülərdən ayrılan yüksək tezlikli dalğalar ionosferin tədqiqi üçün istifadə olunur. Bu zaman göndərilən təqribi 3.6mW enerji ionosferi isidir və bu zaman baş verən dəyişikliklər, VHF, UHF radar və qəbuledicilər, o cümlədən manyetometerlər vasitəsilə araşdırılır.
Göndərilən enerji 5.1gW gücündə dalğa yayılmasına səbəb olur. Bu dalğaların gücü çox böyükdür deyə istənildiyi təqdirdə bağlantıların kəsilməsinə, roketlərin, o cümlədən təyyarələrin uçuşunun sıradan çıxmasına, o cümlədən ən çox su altı vasitələrlə rabitə əlaqələrinin qurulmasında işlədilir. İonosferin isidilməsi hava axınlarının da hərəkətinə bəzən süni təsir edə biləcəyindən və atmosferdə dəyişikliklərə səbəb olduğundan buradan etibarən başda qeyd etdiyimiz birinci məqsədlə bağlı məqaləyə daxil olanlar üçün olan hissəyə keçid edirik.
HAARP texnologiyası silahdırmı?
Bəli, texnoloji silah olduğu onsuz da açıqca məlumdur. Yuxarıda da oxuduğunuz kimi uzun bir müddət ABŞ ordusu üçün işlədilib. Amma son zamanlar proyektə ayrılan maliyyə azalmaqda olub, mülkiyyət haqqları “Alaska Fairbanks” universitetinə təhvil verilib. Texnoloji silah kimi anılmasının əsas səbəbləri isə müxtəlifdir. ABŞ-nin müxtəlif bölgələrdə yerləşən hərbi birlikləri üçün əlaqə vasitəsi kimi işlədilib, hava hücumundan müdafiə sistemi funksiyası yerinə yetirib, hətta müəyyən düşmən qruplaşmaların əlaqəsini kəsmək üçün belə Amerikan birlikləri tərəfindən bəzi yerlərdə işlədilib. Bütün bunlar HAARP texnologiyası haqqında həm də silah olaraq adlandırılmasını başa düşülən edir.
İqlimin ya da təbii fəlakətin süni yolla idarə edilməsində təsiri varmı?
Əgər atmosferdə müəyyən dəyişikliklər, daha dəqiq desək iqlimə təsirini nəzərdə tutursunuzsa, bəli həm təsdiqlənmiş, həm də iddia formasında qalan bəzi hallar mövcuddur. Hətta müəyyən bir yerə xırda yağıntı yağdırılması, buludlarda süni şəkillənmə meydana gəlməsi görülmüşdür. Lakin xüsusilə, bayaq izah etdiyimiz HAARP texnologiyasının işləmə prinsipi ilə çox oxşar olan, Nikola Tesla-nın irəli sürdüyü süni zəlzələ yaratma proyekti, insanlarda HAARP-ın zəlzələ yarada biləcəyinə dair fikirlər yaratdı.
Hətta, əsasən Türkiyədə HAARP-ın bununla bağlı testlər apardığı və.s iddiaları ortaya atıldı. HAARP birbaşa ionosferə təsir etdiyindən, bəli müəyyən atmosferdə dəyişiklik yarada bilər, amma zəlzələ iddiası tamamilə absurddur. Tektonik hərəkətlər meydana gətirmək üçün, inanılmaz dərəcədə yüksək təsir göstərmək lazımdır ki, o qədər dərində onlarla atom bombası belə partlatsanız, yenə də zəlzələ meydana gətirə bilməzsiniz.
Mövzunu yekunlaşdırdıqa, kütləyə bu qədər açıq olan və hal-hazırda daha çox elmi tədqiqat obyekti olaraq çıxış edən HAARP layihəsinin əsası danışdıqlarımızdan ibarətdir.
