Smartfon bazarında hər ötən gün daha təkmil texnologiyalar qarşımıza çıxır. Belə ki, smartfon və çipset nəhəngləri daim dizayn yenilikləri və performans təkmilləşdirmələri ilə yeni flaqman smartfonlarını təqdim edirlər. Yeni ortaya çıxan məlumata görə, gələn il Snapdragon 8 Gen 4 çipseti ilə təchiz olunmuş bir çox smartfon 5500 mAs batareya həcminə sahib olacaq. Digital Chat Station rəsmisinin sözlərinə görə hazırda sınaqdan keçirilən 3 yeni nəsil smartfondan xəbərdardır və onların hamısı 5500 mAs batareya ilə təchiz olunub.
Hazırda bu modellərin hansı brendə məxsus olduğu və ya hansı modellər olduğu məlum deyil. Ancaq insayderlərin fikrinə görə, gələn il smartfon nəhəngləri oxşar batareya həcmindən istifadə edə bilər. Belə bir vəziyyətin yaranması isə ilk öncə flaqman çipsetlərdə istifadə olunması gözlənilər Snapdragon 8 Gen 4 çipsetinin artan enerji istehlakıdır. Smartfon nəhəngləri batareya həcmini müəyyən qədər artırmaqla artan enerji istehlakını kompensasiya etməyi düşünür.
Bundan əlavə, Qualcomm-un yeni çipsetinin artan enerji istehlakı, enerjiyə qənaət edən CPU nüvələrinin olmaması ilə izah olunur. Maraqlısı budur ki, eyni hal MediaTek Dimensity 9300 üçün də keçərlidir. Onu da qeyd edək ki, Snapdragon 8 Gen 4 bu seqmentdə Orion nüvələrini alan ilk cihaz olacaq. Artan performans səbəbindən isə gələn il flaqman smartfonlarda batareya həcminin böyüdülməsi gözlənilir. Xatırladaq ki, daha əvvəl Digital Chat Station Redmi K50 və Xiaomi 12-nin xüsusiyyətlərini və təqdimat tarixlərini ortaya çıxarmışdı. Məhz bu səbəbdən iddiaların reallaşması gözlənilir.
