Apple-ın yeni iPhone modelləri, xüsusən də iPhone 16 Pro seriyası haqqında davamlı olaraq məlumatlar ortaya çıxarılır. Bu dəfə ortaya çıxan məlumata görə isə Apple iPhone 16 Pro ilə müştərilərinə yeni yaddaş seçimləri təklif edəcək. Qeyd edək ki, şirkətin təklif edəcəyi yeni yaddaş seçimləri artıq məlum olub. Ümumiyyətlə smartfon nəhəngləri hər il yeniliklərlə bizi qarşılayır. Eləcə də kamera performansı tərəfində edilən təkmilləşdirmələr daha keyfiyyətli görüntülərin çəkilməsinə səbəb olduğu üçün yaddaş tərəfində problemlər yaşana bilir. Apple isə yeni flaqman modeli ilə bu problemi həll etməyi düşünür.
İddialara görə, Apple minimum 256 GB yaddaşa malik iPhone 16 Pro və iPhone 16 Pro Max təklif edəcək. Apple tarixində ilk dəfə olaraq Pro seriyasında minimum yaddaş seçimi 128 GB olmayacaq. Qeyd edək ki, hazırda Apple Store mağazalarında satışda olan iPhone 15 Pro modeli 999 dollar qiymət etiketi ilə 128GB yaddaş seçiminə sahibdir. Eləcə də iPhone 15 Pro modeli 1199 dollar qiymət etiketi ilə 256 GB yaddaş təklif edir. Qeyd edək ki, hazırda 256GB yaddaş seçiminə sahib olan iPhone 15 Pro 1099 dollara təklif olunur.
Beləliklə yeni təqdim olunacaq iPhone 16 Pro modeli minimum 256GB yaddaş seçimi ilə qarşımızda olacaq. Ortaya çıxan məlumatlara görə isə qiymət Amerika bazarı üçün eyni qalacaq. Nəticə etibarı ilə iPhone 16 Pro üç yaddaş variantı ilə təqdim olunacaq: 256GB, 512GB və 1TB. Xatırladaq ki, Apple brendi ilk dəfə olaraq iPhone 12 modelində 128GB təklif etməyə başlamışdı. iPhone 13 seriyası ilə isə bütün modellər minimum 128GB yaddaş seçiminə sahib oldu.
