Qualcomm şirkətinin Snapdragon 8 Gen 3 çipseti barədə bəzi detallar bir neçə həftə bundan əvvəl sızdırılmışdı. O vaxtkı detallara əsasən, Snapdragon 8 Gen 3 nüvə konfiqurasiyası cəhətdən sələfi ilə müqayisədə dəyişdirilməli idi. Yenilənmiş çipsetin nüvə düzülüşü 1+5+2 şəklində nəzərdə tutulurdu. Aqressiv nüvə düzülüşü ilə qarşımıza çıxması planlaşdırılan çipset 1 ədəd Cortex-X4 çipsetinin yanında tam olaraq, 5 ədəd Cortex-A7XX nüvəsi və sadəcə 2 ədəd Cortex-A5XX nüvəsinə malik olmalı idi.
Ortaya çıxan məlumatlara görə Cortex-X4 çipsetinin nüvə tezliyi ilk dəfə məlum olub. İnsayderlər qeyd edir ki, Qualcomm şirkəti yüksək performans nüvəsinin tezliyini 0,5 GHz artıracaq. Ona görə də Cortex-X4 nüvəsinin tezliyi 3.7 GHz olaraq təyin ediləcək. Lakin ən böyük yüksəltmə Samsung əməkdaşlığında baş tuta bilər. Bildiyimiz kimi, Qualcomm şirkəti Samsung Galaxy S seriyası üçün Snapdragon 8 Gen 2 çipsetindən başlayaraq xüsusi sürət aşıdrılmış variant təqdim edir.
İddialar doğrudursa Snapdragon 8 Gen 3 çipseti də Samsung Galaxy S24 seriyası üçün Snapdragon for Galaxy adlı sürət aşırdılmış variantı əldə edəcək. Lakin onsuzda 3.7 GHz tezlikdə işləməsi gözlənilən 8 Gen 3 çipsetinin tezliyi yüksəldikdə bəzi kompüterlərdə belə görmədiyimiz yüksək tezlikli CPU mobil çipset daxilində işllədilmiş olacaq. Nəticə etibarilə çipsetin tezliyi 4.0 GHz səviyyələrinə qədər arta bilər. İnsayderlərin fikrincə tezliyin bu qədər yüksəlməsi xüsusilə Galaxy S24 seriyasının A17 Bionic çipsetli iPhone 15 seriyası qarşılığında çox güclü yerə gətirəcək.
