Şimali Koreya ABŞ və Cənubi Koreyanın təlimlərindən sonra kosmosa ilk hərbi cəsus peykini buraxacağını bildirmişdi. Lakin açıqlamadan 24 saat sonra Şimali Koreyanın ilk hərbi cəsus peyki uçuş zamanı qəzaya uğrayıb. Ümumiyyətlə texnologiya yalnız gündəlik həyatımızda istifadə etdiyimiz cihazlar ilə məhdudlaşmır. Belə ki, dövlətlər bir-birindən üstün olmaq və ya daha güclü olmaq üçün yerdə, havada və kosmosda öz texnologiyalarını inkişaf etdirirlər. Bu texnologiyalar həm silah həm avtomobil həm də peyk sənayesində inkişaf etdirilə bilər. Şimali Koreya isə bildiyimiz kimi, atom silahına sahib olan diktator ölkədir. Belə ki, yeganə ölkədir ki, vətəndaşlarının internet bağlantısına çıxışı yoxdur.
Lakin bütün bu məhdudiyyətlərə baxmayraq Şimali Koreya ABŞ, Yaponiya kimi nəhənglər ilə rəqabət aparır. Məhz bu səbəbdən də Şimali Koreya tam hazır olmasına baxmayaraq ilk hərbi cəsus peyki barədə uçuş qərarı verib. Nəticədə isə tam hazır olmayan peyk uçuş zamanı qəzaya uğrayıb. Qeyd edək ki, daha əvvəl Şimali koreya ilk hərbi peykini iyunda təqdim edəcəyini bildirmişdi. Lakin ABŞ və Cənubi Koreyanın birgə təlimlərindən 24 saat sonra yəni bu gün, peyk dənizə düşüb. Peykin uçuş tarixini tezləşdirməyə çalışan Şimali Koreya uğursuzluğa düçar olub.
Yaponiya Şimali Koreyanın ilk hərbi cəsus peyki barədə xəbərdarlıq etmişdi. Belə ki, Yaponiya peykin 31 May-11 İyun tarixi aralığında təqdim ediləcəyini bildirmişdi. Bundan əlavə Sarı dəniz, Şərqi Çin dənizi və Filippin dənizi üzərində istifadə olunacağı bilinən peyki izləyəcəkdi. Hətta texnologiya lideri peykin Yaponiyanın hava məkanına daxil olduğu an vurulacağını da elan etmişdi. Qeyd edək ki, qəza nəticəsində dənizə düşən peyk barədə ətraflı məlumat yoxdur.
