Apple şirkətinin yaxın günlərdə təqdim etməsi gözlənilən yeni virtual reallıq eynəyi barədə bəzi detallar ortaya çıxıb. Belə ki, yaxın günlərdə WWDC23 tədbiri çərçivəsində təqdim ediləcək yeni texnologiya barədə artıq uzunmüddətdir ki, iddalar irəli sürülür. Lakin bu dəfə məşhur analitik Ross Young yeni virtual reallıq eynəyinin bəzi xüsusiyyətlərini ortaya çıxıb. Apple şirkətinin yeni texnologiyasının 8K təsvir ölçülü 4K micro OLED ekran ilə təchiz ediləcəyi məlum olsa da, məşhur analitik ekran xüsusiyytləri barədə daha çox məlumat verib.
Ross Young bildirib ki, yeni Apple virtual reallıq eynəyi 1.41 düymlük ekrana sahib olacaq. Bundan əlavə ekran parlaqlığı 5000 nit-dən çox olacaq və 4000 ppi rəng doyumluluğuna sahib olacaq. Bu isə onu göstərir ki, yeni model hal-hazırda bazarda olan ən yüksək təsvir ölçülü ekrana sahib virtual reallıq eynəyi olacaq. Həmçinin yeni virtual reallıq eynəyi HDR funksiyasına və yüksək dinamik aralığına sahib olacaq. Müqayisə üçün bildirək ki, hal-hazırda bazarda mövcud olan Meta Quest 2 virtual reallıq eynəyin sadəcə 100 nit ekran parlaqlığına sahibdir. Bundan əlavə Microsoft HoloLens 500 nit parlaqlığı sınaqdan keçirir. Sony brendinin yeni təqdim etdiyi virtual reallıq eynəyi də 250 nit parlaqlığa sahibdir.
Qeyd edək ki, bazarda mövcud olan ən yaxşı televizor ekranları belə 2000-5000 nit parlaqlığa sahibdir. Lakin Meta şirkətinin 20000 nit parlaqlığa çata bilən Starburst konsept eynəyi də mövcuddur. Hələlik sadəcə konsept olaraq qalan bu eynək modeli gələcəkdə bazara ən çox ekran parlaqlığına sahib olan virtual reallıq eynəyi kimi də çıxa bilər. Onu da bildirək ki, Apple şirkətinin yeni virtual reallıq eynəkləri təxminən 3000 dollara təklif edilə bilər.
