Şimali Koreyada yerləşən Lazarus haker qrupunun internet oyunu vasitəsilə kriptovalyuta oğurluğu etdiyi öyrənilib. Belə ki, verilən açıqlamaya görə, Şimali Koreyalı hakerlər kriptovalyuta oğurluğu üçün Google Chrome-dakı təhlükəsizlik zəifliyindən istifadə ediblər.
Dünyanın ən böyük kibertəhlükəsizlik komandalarından biri olan Kaspersky Labs Şimali Koreyalı olduğu bilinən “Lazarus” haker qrupu haqqında təəccüblü açıqlama verib. Açıqlamaya görə, Şimali Koreyalı hakerlər Google Chrome-dakı bir sıfır gün boşluğundan istifadə edərək saysız-hesabsız insanın kriptovalyuta pul kisəsini boşaldıblar. Təəssüf ki, itirilən məbləğin nə qədər olduğu müəyyən edilməyib. “Kaspersky Labs” şirkətinin açıqlamasına görə, hakerlər insanları aldatmaq üçün veb-əsaslı oyun hazırlayıblar. “DeTankZone” və ya “DeTankWar” adlı oyunun blokçeyn əsaslı olduğu və NFT-lərin qazanılmasına icazə verildiyi bildirilir. X və Linkedln kimi platformalarda da reklam edən hakerlər insanları öz tələlərinə düşürməyi bacarıblar.
Kaspersky Labs tərəfindən edilən açıqlamada, Google Chrome-da təhlükəsizlik zəifliyindən istifadə edən zərərli oyunun 2024-cü ilin may ayında aşkar edildiyi və məlumatın Google-a ötürüldüyü bildirilib. Bundan əlavə, Microsoft-un kibertəhlükəsizlik üzrə mütəxəssisləri sözügedən zəifliyi aşkar edərək Google-a məlumat veriblər. Google da alınan məlumatlara uyğun olaraq bu təhlükəsizlik açığını bağlayıb, lakin təəssüf ki, kriptovalyuta oğurluğunun qarşısını ala bilməyib. Ümumiyyətlə, Lazarus kriptovalyuta dünyasına hücumları çox sevir. vvəlki araşdırmalar bu komandanın 2020-2023-cü illər arasında ən azı 200 milyon dollar oğurladığını ortaya çıxarmışdı. Lakin məbləğin daha yüksək olduğu da düşünülür. Çünki, ABŞ Ədliyyə Nazirliyi son illərdə Lazarusla bağlı açıqlama vermiş və təkcə 2022-ci ildə 600 milyon dollarlıq kriptovalyuta oğurlanmasının arxasında Lazarusun olduğunu iddia etmişdi.
