Cənubi Koreyanın texnologiya nəhəngi Samsung-un 2024-cü ildə təqdim edəcəyi flaqman Galaxy S24 Ultra haqqında getdikcə daha çox məlumat ortaya çıxır. Nəhayət, etibarlı bir insayder çox gözlənilən smartfon haqqında çox qəribə bir detal paylaşıb. X istifadəçisi olan insayder (Tech_Reve) görə, cihazın üst versiyası 2 TB yaddaşla gələcək. Samsung deyəsən, iPhone 15 Pro və 15 Pro Max-ın 2TB versiyalarını buraxacağı şayiələrindən sonra Apple-dan geri qalmaq istəmir.
Eyni mənbə, təməl versiyanın 8 GB RAM və 128 GB yaddaşa sahib ola biləcəyini bildirib. Həmçinin, cihazın 12/256 GB variantını qoryacağı da gözlənilir. 2 TB yaddaş sahəsi ilə təklif ediləcək modelin RAM həcmi isə dəqiq deyil. Çox güman ki, Samsung şirkəti istifadəçilər üçün 16GB/2TB seçimi təklif edəcək..
Samsung-un hazırda smartfonlarında 24 GB RAM təklif edən Çinli rəqibləri ilə yarışa girməsi inandırıcı görünmür. Nəzərinizə çatdıraq ki, bu telefonlardan biri də ötən təqdim olunan Realme GT5-dir. Əgər bütün bunlar doğrudursa, nəticə etibarilə Apple həqiqətən də 2TB yaddaş həcmi ilə “Pro” modellərini bu il qarşımıza çıxaracaq. Bütün bunları daha dəqiq 12 sentyabr Apple tərəfindən keçiriləcək “Wonderlust” tədbirində daha yaxından öyrənəcəyik.
