Daim texnologiya sahəsindəki innovativ yenilikləri və texnologiyaları ilə seçilən Samsung brendi daha bir ilkə imza atıb. Belə ki, Samsung artan təhlükəsizlik risklərini nəzərə alaraq yeni barmaq izi skanerinə sahib olan ödəniş kartlarını təqdim edib. Yeni texnologiyasına Biometric Card IC adı verən şirkət debet və kredit kartları üçün mükəmməl təhlükəsizlik təklif edir. Ümumiyyətlə son dövrləein əsas problemlərindən biri məhz ödəniş kartlarının sadəcə pin ilə qorunmasıdır. Müasirləşən dünyada artıq pin kilid sistemlərini qırmaq çox asanlaşıb. Hətta bu səbəbdən də ödəniş kartları ilə bağlı risklər artıb. Bir çox bank bununla bağlı bəzi təhlükəsizlik addımları atsa da, Samsug məsələni kökündən həll etməyə qərar verib.
Samsung brendi kartlara NFC çip ilə yanaşı barmaq izi skanı texnologiyası və xüsusi təhlükəsizlik prosessoru inteqrasiya edib. Bununıa da, artıq barmaq izi kilidi ilə qorunan ödəniş kartlarından istifadə etmək mümkündür. Qeyd edək ki, yeni Samsung Biometric Card IC 3 ədəd barmaq izini yaddaşda saxlaya bilir. Bu rəqəm sadə bir bank kartı üçün olduqca idealdır. Maraqlısı budur ki, kart vasitəsilə tranzaksiyaların yerinə yetirilməsi zamanı barmaq izləri heç yerə ötürülmür. Yəni şirkət maksimum formada istifadəçilərin təhlükəsizliyini ön plana çıxarır.
Qeyd edək ki, Samsung brendinin yeni barmaq izi sensoru ilə təchiz edilmiş ödəniş kartı texnologiyası kibertəhlükəsizlik və şəxsi Məxfilik kateqoriyasında mükafat da əldə edib. Həmçinin bu cür ödəniş kartları əsasən qüsurlu insanlar üçün də ödəniş kartlarından istifadə imkanı yaradır. Lakin brend yeni texnologiyaya malik kartların nə zaman və hansı ölkədə istifadəyə veriləcəyini bildirməyib.
