PUBG Mobile uzun müddətdir ki, oyunçuların ən populyar video oyunlarından biridir. Oyunda oyunçular qrup halında və ya fərdi olaraq həyatda qalmaq və birinci yerə çıxmaq üçün mübarizə aparırlar. Bu oyun bütün dünyada olduğu kimi Əfqanıstanda da ən çox oynanılan oyunlardan biri idi. Lakin Əfqanıstanda ölkənin idarəçiliyini əlinə alan Taliban, oyunu şiddətə təşviq etməsi səbəbi ilə ölkədə qadağan etdi.
Əlavə 23 milyon internet saytı da qadağan edilib
Taliban 2021-ci ildə Əfqanıstanın idarəçiliyini ələ keçirməsi ilə bütün dünyanın gündəmində idi. O vaxtdan bəri ölkədə yaşayanlara yeni qadağalar qoyulub. Keçən avqustda açıqlanan məlumata görə, son bir ildə ölkədə 23 milyon veb-sayt “əxlaqsız məzmuna” görə qadağan edilib. İndi də Talibandan yeni bir qadağa daha gəlib. Taliban bütün dünyada milyonlarla istifadəçisi olan multiplayer aksiyon oyunu PUBG: Mobile-ı Əfqanıstanda qadağan etdiyini açıqlayıb. Bildirilib ki, ölkədə hakimiyyət nümayəndələri arasında keçirilən görüşdən sonra müəyyən edilən yeni qadağa yaxın 3 ay ərzində (90 gün) qüvvəyə minəcək.
Taliban PUBG-nin qadağan edilməsini ötən ilin aprelində də tələb etmişdi. Ancaq bu gün qəbul edilən qərarla təfərrüatlar və müddət aydın oldu. Açıqlamalara görə, məşhur oyun “gənc nəsli çaşdırmaq”, “zorakılığa sövq etmək” və “insanların vaxtını itirmək” kimi səbəblərə görə qadağan edilib. Əfqan telekommunikasiya şirkətləri və internet xidmətlərinə qadağanı tətbiq etmək üçün 90 gün vaxt veriləcək. Onu da qeyd edək ki, qadağa PUBG-nin mobil versiyasına yönələcək. Bildirmək lazımdır ki, 2021-ci ilin əvvəlində əldə edilən məlumatlara görə, oyun eyni anda 100.000 oyunçuya çataraq, ölkənin mobil internet trafikinin əhəmiyyətli hissəsini təşkil edirdi.
Tik-Tok da qadağan ediləcək
Ölkənin ən çox oynanılan oyunlarından olan PUBG Mobile -a qadağa gətirən Taliban bir başqa önəmli tətbiqin istifadəsini də aradan qaldıracaq. Belə ki, ən çox istifadə edilən və insanların vaxt keçirdiyi Tik-Tok platformasınında Əfqanıstanda qadağan olunması gözlənilir.
Bəs siz PUBG Mobile və Tik-Tok platformasının qadağan edilməsi haqqında düşünürsüz? Fikirlərinizi şərhlər bölməsində paylaşa bilərsiz.
