Microsoft, nəhayət, Windows 11 üçün Notepad proqramına orfoqrafiya yoxlanışı və avtomatik düzəliş funksiyaları əlavə edir. Qeyd edək ki, bu sadə mətn redaktoru ilk dəfə 1983-cü ildə Windows sistemində istifadəyə verilmişdi. İndi isə təqdim edilməsindən 40 il sonra yeni funksiyalar əldə edir.
Hər iki xüsusiyyət əməliyyat sisteminin sınaq versiyalarında mart ayında mövcud olmuşdu. Bu həftə isə Windows 11 sisteminin yenilənməsi ilə birlikdə Windows istifadəçiləri üçün təqdim edilib. Notepad redaktorunun orfoqrafiya yoxlaması funksiyası Word və Edge-dəki analoqları ilə demək olar ki, eynidir. Belə ki, səhvlər olan sözlərin altı qırmızı rənglə vurğulanır, lakin belə bir sözün üzərinə sağ kliklədikdə, alternativ seçimləri olan menyu avtomatik olaraq açılmır. Bunu görmək üçün istifadəçi müvafiq alt menyu elementinə bir daha klik etməlidir.
Microsoft-un Notepad redaktorundakı orfoqrafiya yoxlaması funksiyasını Word proqramındakı analoqu ilə tamamilə eyniləşdirməməsi əslində qəribədir. Xüsusilə də sınaq mərhələsində siçana sağ klikləməklə dəyişiklik seçimlərini görmək mümkün deyil. Əgər lazım gələrsə, istifadəçi proqram parametrlərindən istifadə etməklə .md, srt., lrc və ya .lic. kimi müəyyən fayl növləri üzrə orfoqrafiya yoxlamasını söndürə bilər. Microsoft həmçinin Notepad-a avtomatik əvəzetmə funksiyasını əlavə edib. Bu isə o deməkdir ki, orfoqrafik yoxlama aktiv edilərsə, yazarkən yol verilən orfoqrafik səhvlər avtomatik olaraq düzəldiləcəkdir. Proqramın parametrlərindən avtomatik keçid seçimini söndürə bilərsiniz. Hər iki yeni funksiya tezliklə Windows 11-də mətn redaktorunun bütün istifadəçiləri üçün əlçatan olacaq.
