Microsoft artıq yeni proqramlarına və əməliyyat sistemlərinə fokuslanır. Belə ki, Microsoft Cortana-dan sonra 28 illik WordPad proqramını da dayandırmağı qərara alıb. Bir zamanlar Word proqramını əvəzlyən və aktiv istifadə edilən WordPad artıq tarixin tozlu səhifələrində qalacaq. Xatırladaq ki, bu proqram Windows 95 əməliyyat sistemi təqdim edildikdən bəri istifadə edilirdi. Hətta Windows 11-ə qədər bütün əməliyyat sistemləri hələ də bu proqrama sahib idi. İndi isə Microsoft dəyişiklik etməyi qərar alıb.
Qeyd edək ki, Microsoft şirkəti yeni Windows yenilənməsi ilə artıq WordPad proqramını əməliyyat sistemindən siləcək. Bu proqram TRF, DOC və ODT kimi bir çox məşhur formatları dəstəkləyirdi. Lakin indi milyonlara istifadəçi txt formatını dəstəkləyən Word və ya Notepad proqramından istifadə edir. Bu isə WordPad proqramının sonu oldu. Artıq WordPad proqramına bir çox alternativ variantlar mövcuddur. Hətta onlar daha çox yeniliyə və funksiyaya sahibdirlər.
Ümumiyyətlə Microsoft son dövrlərdə yeniliklərə yol açır. Belə ki, texnologiya nəhəngi ötən aylarda Cortana üçün də eyni qərarı vermişdi. Bu ilin sonundan etibarən virtual köməkçi Cortana-da artıq aramızdan ayrılacaq. Əslində Microsoft şirkəti Cortana proqramını bizlərə “vaxtınıza qənaət etməyə və diqqətinizi ən vacib şeylərə yönəltməyə kömək edən şəxsi məhsuldarlıq köməkçisi” olaraq təqdim etmişdi. Lakin süni intellekt əsaslı çatbotların meydana gəlməsi Cortana üçün yolun sonunu da gətirdi. Təbii ki, microsoft gələcəkdə yeni bir virtual köməkçi təqdim edəcək. Lakin bu dəfə süni intellekt də bizlərə yardım edəcək.
