Apple iPhone 14 seriyası ilə birlikdə peykə qoşularaq bildiriş göndərən SOS funksiyasını bizlərə təqdim etmişdi. İndi isə Apple iPhone modellərində bu funksiyasını təkmilləşdirmək üçün Globalstar vasitəsi ilə SpaceX peyklərindən istifadə edəcək istifadə edəcək. Appe iPhone modelləri üçün peyk bağlantısını Globalstar şirkəti vasitəsi ilə yaradır. İndi isə Globalstar olarq tanınan şirkət SpaceX ilə yeni müqavilə imzalayıb. Maraqlısı budur ki, Globalstar SpaceX ilə nə az, nə çox 64 milyon dollarlıq əməkdaşlığa imza atıb.
Xatırladaq ki, iPhone 14, 14 Plus, 14 Pro və Pro Max modelləri ilə təqdim edilən SOS funksiyası WiFi və ya Mobil rabitə olmadığı halda peyk ilə bildiriş göndərirdi. Hətta Apple bildirimişdi ki, bu funksiya 2 il ərzində pulsuz olaraq təklif ediləcək. Hələlik bu funksiyanın ödənişinin gələcəkdə nə qədər olacağı məlum deyil. Ümumiyyətlə Apple fövqəladə hallarda istifadəçilərini düşünüb. Həm Apple Watch, həm də iPhone modellərində bu cür hallara qarşı bir çox funksiya mövcuddur. Bunlardan biri də məhz peyk vasitəsi ilə SOS funksiyasıdır. Artıq iPhone modellərində olan bu funksiya SpaceX peykləri vasitəsi ilə daha da təkmilləşəcək.
Apple şirkəti SOS funksiyası üçün məhz Globalstar şirkəti ilə əməkdaşlıq edir. Hətta Apple düz 450 milyon dollar sərmayə ilə bu funksiyanı hazırlatdırmışdı. Şirkət açıqlamasında bildirmişdi ki, bu miqdarın böyük hissəsi Globalstar şirkətinə gedib. İndi isə peyklərin sayını daha da artırmaq və SOS funksiyasını daha da təkmilləşdirmək üçün SpaceX şirkəti ilə əməkdaşlıq ediləcək. 64 milyon dollarlıq müqaviləyə əsasən 2025-ci ildə Falcon 9 raketi orbitə göndəriləcək. Çox güman ki, apple iPhone 15 modelləri üçün tədbirlər görür və funksiyasını daha da təkmilləşdirir.
