Batareya texnologiyaları hər keçən gün durmadan inkişaf edir. Belə ki, bu dəfə tədqiqatçılat batareya tarixində inqilab yaradacaq yeniliyə imza atıblar. Yeni litium-kükürd batareya texnologiyası adi batareya növlərindən 5 qat daha güclüdür. Tədqiqatçıların fikrincə, hazırlanmış yeni litium-kükürd batareyası kommersiya baxımından elektrikli avtomobillərin və mobil telefonların gücünü 5 dəfə artıracaq.
Beləliklə Avstraliyalı tədqiqatçılar akkumulyatorların tarixində əsaslı bir inkişafa imza atdılar. Tədqiqatçılar inqilabi yeni litium-kükürd batareyası hazırlayıblar. Hətta onların fikrincə yeni litium-kükürd batareyası ənənəvi litium-ion batareyalardan 5 qat daha çox enerji saxlaya bilir. Maraqlısı budur ki, yeni batareya litium-ion batareyalardan 2 dəfə az istehsal xərci tələb edir. Melburn şəhərindəki Monash universitetindən bir qrup tədqiqatçı tələb olunan litiumun miqdarını azaltmaqla yanaşı, dayanıqlığını əhəmiyyətli dərəcədə artıran yeni litium-kükürd (Li-S) batareya dizaynı hazırlayıb.
Tədqiqatçılar batareyalarda nanoməsaməli polimer örtüklü litium folqa anodundan istifadə etməklə batareyada daha çox enerji saxlamağa, o cümlədən litium-ion batareyalara nisbətən xərcləri yarıya endirməyə nail olublar. Declan McNamara-nın rəhbərlik etdiyi tədqiqatçı qrupu litium anod və kükürd katodlarının bir-biri ilə reaksiyaya girməklə batareyaların dayanıqlılığının azalması problemini də aradan qaldırıb. Onlar batareyada nanoməsaməli polimerdən istifadə edərək problemi həll etdilər. Kağız vərəqindən daha incə və kiçik dəliklərlə dolu olan bu polimer örtüklər bir növ mühafizəçi rolunu oynayır. McNamara görə, bu örtük təkcə qoruyucu deyil, həm də dəstək sistemi kimi çıxış edərək litiumun yükdən və boşalmadan qaçmasına kömək edir.
