Məişət avadanlıqları ilə olduqca məşhur olan LG şirkəti hal-hazırda bu sahədən çox yaxşı gəlir əldə edir. Lakin şirkət bu barədə nə qədər illərin təcrübəsinə sahib olsa da bu təcrübə xırda bir mühəndislik xətası ilə problemlərdən yayınmağa kifayət etmir. Belə ki, ötən həftələrdə şirkət xüsusilə televizorları ilə bağlı istifadəçilərdən qəribə şikayətlər alıb. İstifadəçilərin verdiyi məlumata görə televizoru TV masası üzərinə öz ayaqlıqları üzərinə qoyduqda bir müddət sonra tarazlıq vəziyyətini itirib öz-özünə aşır. LG şirkəti bu mövzuda aşan 22 fərqli TV modeli ilə bağlı şikayətlə qarşılaşıb.
Açıqlamaya görə aşan LG televizorlarından 12 ədədi yararsız vəziyyətə düşüb
CNET tərəfindən verilən məlumata görə ayaqlıqlarla bağlı istehsal xətası LG istehsalı 86UQ8000AUB, 86UQ7070ZUD, 86UQ7590PUD və 86NANO75UQA model nömrələrinə sahib 86 düymlük 4K TV-lərdə görülür. 86 düymlük olduqca böyük ağıllı televizorlar xüsusilə ağır çəkiləri ilə də fərqlənirlər. Ona görə də bu model televizorların aşaraq azyaşlıları ciddi şəkildə zədələyə biləcəyi bildirilir.
Qeyd edilən məlumata əsasən, geri çağırma prosesi Amerikanın Walmart, Best Buy, Costco kimi mağazalarında, Kanada və Meksika kimi bölgələrdə aparılır. Qlobal bazarda bu modellərin mövcudluğu və eyni problemin olub-olmadığına dair dəqiq məlumat mövcud deyil. Yuxarıda qeyd edilən model nömrəsinə uyğun olaraq, televizorların 202RM, 203RM, 204RM, 205RM, 206RM, 207RM və 208RM ilə başlayan seriya nömrələri mövcuddur. LG TV sahibləri model və seriya nömrəsi barədə detalları “səssiz” düyməsinə ardıcıl 3 dəfə sürətli basaraq açılan pəncərədən məlumat ala bilərlər.
Geri çağırılan televizorların ümumi sayının 55.000-dən çox olduğu bildirilir. Eyni zamanda geri çağırma prosesi divardan asılmış televizorlar üçün aid deyil. Prosesdən yalnız TV-ni ayaqlıqla istifadə edənlərin yararlanması istənilir. Şirkət hətta bu problemlə bağlı 86inchTVstand@lge.com adlı e-poçt adresi də yaradıb.
