ABŞ Hərbi Hava Qüvvələri SHiELD proqramı çərçivəsində LANCE adlı yüksək enerjili lazer silahını sınaqdan keçirir. F-16 və F-35-lərə inteqrasiya ediləcək lazer silahı, təyyarəyə qarşı gələn raketləri məhv edəcək. Bu yaxınlarda Breaking Defense tərəfindən ictimaiyyət üçün dərc edilən hesabat verilmişdir. Şirkət Lockheed Martin-in pod şəklində daşına bilən yüksək enerjili lazer silahını ABŞ (HHQ) təhvil verdiyini təsdiqləyib.
Artıq döyüş təyyarələrində lazer silahlarından istifadə olunacaq
Lockheed Martin şirkəti tərəfindən hazırlanmış LANCE 2017-ci ilin noyabrından Hərbi Hava Qüvvələrinin SHiELD proqramı çərçivəsində yaradılmış yüksək enerjili lazer silahıdır. LANCE sözü hərfi tərcümə edildikdə “Yeni nəsil kompakt mühitlər üçün lazer təkmilləşdirmələri” ifadəsini verir. Hərfi mənanı kənara qoysaq, kiçik və yüngül olan bu yeni silah əvvəlkilərə nisbətən daha az güc tələb edir. Bu da onun döyüş təyyarələrinə inteqrasiyasını asanlaşdırır.
Başda F-16 və F-35 tipli döyüş təyyarələrinə LANCE inteqrasiya ediləcək. Pilot, Yerdən və ya havadan təyyarəyə doğru gələn raketləri məhv etmək qabiliyyətinə malik olacaq. Hələlik test edilməkdə olan silahın növbəti mərhələlələri haqqında da bəzi açıqlamalar verilib. İstehsalçı şirkətin icraçı direktoru Tayler Qriffin dediyinə görə, LANCE isitmə və soyutmanı təmin edən termal sistemlərlə də təchiz edilməlidir. Bundan əlavə Qriffin vurğulayəb ki, bu silah öz güc sinifində Lockheed Martin-in indiyənə qədəri stehsal etdiyi ən kiçik, ən yüngül və ən yüksək enerjili lazerdir.
ABŞ Hərbi Hava Qüvvələri Araşdırma Laboratoriyası 2017-ci ildə verdiyi açıqlamada lazer silahını 2021-ci ilə qədər döyüş təyyarəsində sınaqdan keçirməyi planlaşdırmışdı. Lakin bəzi problemlərin yaranması və COVID-19 epidemiyası layihəni əngəllədi. Layihənin yeni qrafiki hələlik bəlli olmasa da, Lockheed Martin 2025-ci ilə qədər LANCE-ni döyüş təyyarələrinin sırasında gözlədiyini söylədi. LANCE sisteminin aktiv atış testlərinə başlayacağı dəqiq tarix isə ictimaiyyətə açıqlanmayıb.
