İran ordusunun Dəniz Universiteti tərəfindən “kvant emal alqoritmlərinin ilk məhsulu” kimi göstərdiyi lövhə diqqətləri öz üzərinə toplayıb. Belə ki, xaricdən baxdıqda heç də “kvant” prosessora bənzəməyən lövhəni araşdıranlar bunun Amazonda 600 dollara satılan bir məhsul olduğunu görüblər.
Universitetdə keçirilən mərasim zamanı İslam Respublikası ordusu şüşə altında yerləşdirilmiş elektron komponenti nümayiş etdirib. Məlumata görə, kompüter alqoritmlərdən istifadə edərək İrana su səthində üzən gəmilərin aşkarlanmasında lokalizasiya problemlərini həll etməyə bu kvant prosessoru kömək etməlidir. Silahlı qüvvələrin general-mayoru Həbibullah Səyyari mərasim zamanı kartı göstərib və İranın kvant texnologiyası dünyasındakı son nailiyyətlərindən danışıb.
Lakin göstərilən kvant cihazı, Diligent adlı bir şirkət tərəfindən istehsal edilmiş inkişaf lövhəsi kimi görünüb. Şəkillərdə “ZedBoard” brendinin adı belə aydın müşahidə olunub. Şirkətin veb saytına görə, ZedBoard Android, Linux və Windows-da işə başlayan bir tərtibatçının ehtiyac duyduğu məhsullar satmaqdadır. Yəni, kvant kompüterini təşkil edən qabaqcıl qubitlərin heç birinə malik olmayan sadə bir Arm kartından söhbət gedir.
Gəmilərin yerini müəyyənləşdirmək və dənizdə naviqasiya etmək üçün kvant cihazları realdır. Lakin bu kartın Amazon üzərində təklif edilən 600-700 dollarlıq bir kart olması kvant kompüteri ilə bağlı bütün əlaqələrin üstündən gözlənilməz bir xətt çəkir. Böyük Britaniya Hərbi Dəniz Qüvvələri bu yaxınlarda dənizdə bir növ akselerometr funksiyasını yerinə yetirmək üçün ultrasoyuq atomlardan istifadə edən belə bir cihazı sınaqdan keçirib. İranın təqdim etdiyi cihaza heç bənzəmir. Bəzi ehtimallar kvant kompüterinin göstərilməməsi üçün belə bir addım edildiyini desə də nəticə heç də ürəkaçan olmayıb.
