Huawei şirkəti HarmonyOS 4.0 platforması üçün baş tutan tədbirdə, 300-dən çox aparıcı Çin, beynəlxalq müəssisə və təşkilatların iştirakı ilə hazırlanmış NearLink simsiz məlumat ötürmə texnologiyasını rəsmi olaraq təqdim etdi.
Şirkətin fikrincə, Huawei NearLink texnologiyası simsiz məlumatların ötürülməsində gələcəyə doğru mühüm addım olacaq. Belə ki, bu texnologiya Bluetooth və Wi-Fi-ın güclü tərəflərini özündə birləşdirir. Mövcud simsiz protokollarla müqayisədə NearLink enerji sərfiyyatında 60% azalma, məlumatın transfer sürətində 6 dəfə artım gətirir. Rabitə gecikməsi 30 dəfə azalır və eyni vaxtda qoşulma sayı 10 dəfə artır. Yeni protokol birdən çox cihazın eyni vaxtda qoşulması üçün uyğundur və sənaye sistemlərində işləyə bilər.
Digər bir tərəfdən ilk növbədə Huawei, NearLink ilə telefonları, kompüterləri və cihazları rahat bir şəkildə bir-birinə bağlamağı hədəfləyir. HarmonyOS inkişaf etdikcə və mövcudluğunu genişləndirdikcə, yeni simsiz protokol ekosistemin tam potensialını genişləndirməyə kömək edəcək.
Smartfonlar, kompüterlər, avtomobillər və daha çox şeyə gəldikdə NearLink, istifadəçilər üçün mühim daha az gecikmə, daha az enerji istehlakı, daha geniş əhatə dairəsi və daha təhlükəsiz əlaqə texnologiyalarının təməlini formalaşdıracaq. Huawei, innovasiyalara sadiqliyi və sənaye liderləri ilə əməkdaşlıq sayəsində NearLink-i inkişaf etdirdiyini bildirib və əlavə edor ki, texnologiyanın mənimsənilməsi üçün həm tərtibatçılara, həm də istehlakçılara kömək ediləcək. Şirkətin əsas hədəfi qısa vaxt ərzində bütün yeni HarmonyOS əsaslı ekosistem avadanlıqlarında bu texnologiyanı adaptasiya etməyi bacarmaqdır. Böyük bir ehtimalla da bununla bağlı şirkət heç bir çətinlik çəkməyəcək.
