Pixel modelləri ilə smartfon bazarına daxil olan Google qulaqlıqların təmizlənməsi üçün istifadəçilərə bildiriş göndərəcək. Bu gün bir çox insan qulaqlıqlardan xüsusilə naqilsiz qulaqlıqlardan istifadə edir. Eyni zamanda bir çox insan bu qulaqlıqların müəyyən müddətdən sonra daha zəif səs keyfiyyətinə malik olduğunu bildirir və gələn dəfə fərqli brendin qulaqlıqlarını sınaqdan keçirir. Google isə istifadəçilərinin başına səs keyfiyyətinin azalması kimi bir problemin gəlməməsi üçün onları xəbərdarlıq edəcək.
Ümumiyyətlə siz sonuncu dəfə naqilsiz qulaqlığınızı nə zaman təmizləmisiz? Təbii ki, bir çoxları bu sualın cavabını xatırlamaqda güclük çəkir. Google şirkəti isə məhz bu problemlərin qarşını alaraq qulaqlıqların təmizlənməsi üçün istfifadəçilərinə yəni, Pixel Buds istifadəçilərinə bildiriş göndərəcək. Qeyd edək ki, Pixel Buds qulaqdaxili qulaqlıq hesab olunur. Bu isə onun digərlərindən daha asan çirklənməsinə və səs kanallarının getdikcə zəifləməsinə səbəb olur. Artıq Pixel Buds istifadəçiləri bunu problem etməyəcək.
Yeni funksiya Pixel Buds tətbiqinin ən son versiyası olan 1.0.555017123-da istifadəyə verilib. Məhz bu tətbiq istifadəçilərə vaxtaşırı bildiriş göndərmək missiyasını yerinə yetirəcək. Google qeyd edir ki, qulaqlıqların təmizlənməsi həm səs keyfiyyətinin aşağı düşməsinin qarşısını alır, həm də şarj edilməmə problemlərini aradan qaldırır. Onu da qeyd edək ki, tətbiq sizin qulaqlığınızdan nə qədər istifadə etdiyinizi izləyəcək və 120 saatın tamamında sizə bildiriş göndərəcək. Təbii ki, istifadəçilər bu bildiriş funksiyasını tətbiq daxilindən və ya parametrlər bölməsindən rahatlıqla bağlaya da bilər.
