Google yanacaqdoldurma məntəqələrini EV istifadəçilərinin Android Auto platformasındakı xəritələr proqramından çıxarıb. Belə ki, məşhur naviqasiya tətbiqi Google Maps elektromobillər üçün fərqləndirən yenilikləri ilə tez-tez gündəmə gəlir. Yeni xəbərə görə, Google Maps tətbiqindən istifadə edən elektrik avtomobil istifadəçilərinə artıq yanacaqdoldurma məntəqələrini göstərmir. Google Maps artıq yanacaqdoldurma məntəqələrini Android Auto istifadə edən EV sahibləri üçün elektromobillərdən yığışdırır.
Google, 2022-ci ildən bəri elektromobil sürücüləri üçün bu yeniliyi gətirməyi planlaşdırıbmış. Google-un sözçüsü Pearl Xu qeyd edir ki: “İnsanlara naviqasiya zamanı ən uyğun məlumatları əldə etmək üçün keçən il biz EV sürücülərinə Google Xəritədə yanacaqdoldurma məntəqələri əvəzinə Android Auto üçün şarj stansiyalarına qısa yol görmək imkanını nəzərdən keçirdik”.
İndi isə istifadəçilərə bir sıra elektromobillər üçün xüsusiləşdirilmiş imkanlar verilir. Real vaxtda şarj portunun mövcudluğu onlardan biridir ki, Google Maps elektromobillər üçün enerji doldurma stansiyalarını axtararaq, sizə yaxınlıqdakı stansiyalarda real vaxt rejimində doldurma portlarının mövcudluğunu göstərir. Sürətli doldurma filtri sizə 150 kilovat və ya daha yüksək şarj məntəqələri olan stansiyaları asanlıqla tapmağa kömək edir. Eyni zamanda siz həmçinin EV-nin şarj standartına (girişinə) uyğun stansiyaları da filtrləyə bilərsiniz. Beləliklə, yalnız öz elektromobilinizə uyğun stansiyalara üz tutaraq vaxtdan qazanmaq mümkün olur. Eyni zamanda bütün səyahətlər üçün xəritə cari trafik, şarj səviyyəniz və gözlənilən enerji istehlakı kimi amillərə əsaslanaraq ən yaxşı dayanacağı təklif edir. Bütün bu kimi imkanları ilə Google şirkəti özünü elektromobil ekosistemində də ayaqda tutmaq istəyir.
