Daim mübahisəli fikirləri və ya yenilikləri ilə gündəmə gələn Elon Musk, bu dəfə şəkilləri ilə gündəmdədir. Belə ki, məşhur milyarderin şəkilləri hərraca çıxarılıb. Elon Musk-ın keçmiş sevgilisi tərəfindən onun 1995-ci ildə çəkilmiş “heç vaxt görülməmiş” şəkilləri 165.000 dollara satılıb. Ümumiyyətlə, milyarder bir sevgiliyə sahib olmağın bir çox müsbət və mənfi tərəfləri olsa da, Musk-ın sevgilisi onun xatirə əşyalarını hərraca çıxararaq fayda əldə edib.
Jennifer Gwynn, Tesla şirkətinin baş icraçı direktoru ilə 1994-1995-ci illərdə, hər ikisi Pensilvaniya Universitetində tələbə olarkən tanış olub. Bu müddət ərzində Elon ona atasının Zambiya mədənlərində çalışarkən tapdığı zümrüd qolbağı hədiyyə edib. Gwynn isə ötən günlərdə Boston şəhərində baş tutan hərracda bu qolbağı 51 min dollara satmaq üçün təklif alıb. Hətta Gwynn bildirib ki, bu qolbağı bir neçə ildir taxsam da, son 10 ildir ki, qutuda qalmışdı.
Maraqlısı budur ki, Gwynne sadəcə qolbaqla kifayətlənməyib. Belə ki, o hərraca indiyə qədər heç yerdə görülməmiş Elon Musk şəkilləri də yerləşdirib. Nə az, nə çox 165 min dollar təklif aldığı hərracda Gwynne bir çox fotoşəkilləri və xatirələri nümayiş etdirib. 18 fotoşəkildən ən bahalısı, 21.900 dollara satılan, yataqxananın masasında yerdə uzanmış Musk-ın məşhur şəkli olub. Hərracda bu şəkillər sadəcə 100 dollar ilə başlanğıc qiymətə sahib olsa da, yekunda ən ucuz fotoşəkil 1255 dollara satılıb.
