Bildiyimiz kimi, bir çox hallarda elektrik yuvaları ya divanın, ya da yatağın bir sözlə yumuşaq səthə sahib mebellerin yaxınlığında yer alır. Məhz bu səbəbdən də smartfon istifadəçiləri cihazlarını şarj edərkən onları yumuşaq səthlərə qoyurlar. Mütəxəssislər isə smartfonu şarj edərkən yumuşaq parça səthdə saxlamağın nə qədər zərərli olduğunu açıqlayıb.
![Smartfonu şarj](https://tedroid.com/media/2024/07/smartfonu-sarja-taxarken-diqqet.jpg)
GSMlnfo nəşrinin verdiyi məlumata görə, istifadəçilər smartfonlarını şarj edərkən mütləq onu harada saxladıqlarına diqqət etməlidirlər. Hətta bəzi mütəxəssislərə görə bu hərəkət qəti surətdə qadağandır. Bəs gəlin görək, bu hərəkətin zərərləri nədir? Ümumiyyətlə, mütəxəssislər bildirir ki, smartfonlar və ya digər cihazlar mütləq sərt səthlərdə şarj edilməlidir. Belə ki, şarj zamanı cihazın batareyası qızdığı üçün onu yumuşaq və ya parça səthə qoyduqda bu proses sürətlənir. Nəticədə isə batareya həddindən artıq isinir və öz funksiyasını itirməyə başlayır.
Mütəxəssislərə görə, isə bu hərəkət ən yaxşı halda batareya ömrünün azalması ilə nəticələnir. Məsələn normal vəziyyətdə və ya istifadə şəraitində batareya 2 il işləyəcəkdisə, onun daim qızması ömrünü 1 ilə qədər azalada bilər. Bununla yanaşı, batareyanın həddindən artıq isinməsi smartfonun hər hansı bir hissəsinin sıradan çıxmasına səbəb ola bilər. Hətta, əksər hallarda bu vəziyyət batareyanın şişməsi, eləcə də smartfonun çərçivəsinin zədələnməsinə gətirib çıxarır. Təbii ki, ən pis hal batareyanın partlaması hesab olunur. Bundan əlavə, istifadəçilərə cihazlarını yastığın altında qoymamaq da tövsiyyə olunur.