İstehlakçıların saxta məhsul almasının qarşısını almaq üçün iPhone 15 qutularının açma etiketini bu il ultrabənövşəyi şüa altında görünən QR kod ilə də təchiz edən Apple yenə də Çinlilərin əlində qalıb. Apple məhsullarına böyük tələbat olduğu üçün bir çox qara-bazarda açılmamış qutu kimi qablaşdırılan iPhone modeli mövcud olur. Bu il iPhone 15 ilə şirkət telefonun orijinallığını sübut etmək və rəsmi kanallardan kənar iPhone 15 alarkən insanların aldadılması riskini azaltmaq üçün məhsul qutusuna yeni təhlükəsizlik etiketi belə əlavə etmişdi.
Bu yaxınlarda satışa çıxarılan iPhone 15 və iPhone 15 Pro qutularında yalnız ultrabənövşəyi işıq altında görünən QR kodu var. Bununla da müştərilər alacaqları cihazın orijinal olub-olmadığını anlaya bilirlər. Lakin kütləvi istehsal edilərək satışa çıxarılmış iPhone 15 orijinallıq etiketini Çinlilərin ultrabənövşəyi işıq altında görünən QR koduna qədər kopyaladıqları bəlli olub. Çindəki əlaltı istehsal müəssisələr artıq iPhone 15 qutuları üçün yeni ultrabənövşəyi işıq nişanı ilə birlikdə saxta etiketlər istehsal etməyə başlayıblar. Paylaşılmış şəkillər də orijinal qablaşdırmada tapılan yırtıla bilən möhürlərin uğurla kopyalandığını göstərir.
Hansı ki, təkrar qablaşdırma da çox istifadə olunan bu etiketlərdə model adı və data matrix kodunu belə bildirən informativ məlumatlar işlənir. Fırıldaqçıların bu etiketləri saxtalaşdırması isə cəmi bir həftə çəkir. Buna görə də istehlakçılar indi rəsmi kanallardan kənar iPhone 15 alarkən daha diqqətli olmalı və təkrar qablaşdırılmış olub-olmadığını öyrənmək üçün məhsulu, etiketini diqqətlə nəzərdən keçirməli olacaqlar.
