Beləliklə barmaq izindən sonra indi cinayətkarları sadəcə geyindikləri ayaqqabılarına görə təyin etmək mümkündür. Belə ki, ilk dəfə olaraq Böyük Britaniyanın Staffordshite universiteti və West Yorkshire Polisi arasındakı əməkdaşlıq çərçvisəində yeni məhkəmə-tibbi texnikası yaradılıb. Bu texnika ilə indi cinayətkarlı ayaqqabılarının görünüşünə görə tanımaq mümkündür. Maraqlısı budur ki, proses çox sadədir və 30 dəqiqə kimi qısa müddətdə başa çatır.
Qeyd edək ki, proses ilk öncə polisin cinayətkarın ən azı bir dəfə hadisə yerində ayaqqabılarının göründüyü istənilən video və ya fotoşəkili əldə etməsi ilə başlayır. İkinci mərhələdə isə polis saxlanılan şübhəli şəxsdən ayaqqabılarını götürür. Daha sonra isə əldə edilən fotoşəkil və ya video, cinayətkarın ayaqqabısı ilə qarşılaşdırılır. Təbii ki, bu deyiləndən daha uzun prosesdir. Çünki, ilk öncə ayaqqabıları dönən masaya qoymaq, onu infraqırmızı işıqda fırlanarkən video lentə almaq lazımdır. Habelə yekunda cinayətkarın ayaqqabısının 3D modeli yaradılır.
Skan edilmiş və 3D modeli alınmış ayaqqabının markası, ölçüsü və cızıqları hadisə yerindəki videodakı ayaqqabılarla üst-üstə düşərsə, bu şübhəlinin günahkar olduğunun daha bir sübutu olacaq. Məhz yeni texnika ilə cinayətkarları ayaqqabılarına görə təyin etmək mümkündür. Onu da qeyd edək ki, 3D skan texnologiyası əsasında ayaqqabı markalarını və modellərini müəyyən etməyə kömək olması üçün milli məlumat bazası da yaradılacaq. Yəni yeni meton barmaq izi kimi gələcəkdə bir çox cinayət işinin yekunlaşdırılmasına kömək olacaq.
