Texnologiyanın inkişaf etdiyi bir dövrdə artıq silahlarda texnoloji olaraq təkmilləşdirilir. Belə ki, ABŞ xüsusi xidmət orqanları hesab edir ki, Çin qərb ölkələrinə və ya ümumiyyətlə düşmən ölkələrə məxsus peykləri ələ keçirmək üçün kiber silah hazırlayır. Məhz bu silah vasitəsi ilə Çin həmin peykləri nəzarətə götürərək düşmənin rabitə, müşahidə və kəşfiyyat sisteminə nəzarət etmiş olacaq. Bilirik ki, artıq müharibələrdə texnologiya çox mühüm rol oynayır. Əgər Çin belə bir silah hazırlaya bilsə bu qərb ölkələrindən əlavə ABŞ kimi iri ölkələri də narahat edə bilər.
Qeyd edək ki, Çin dövlətinin düşmən ölkələrə məxsus peykləri ələ keçirmək üçün kiber silah hazırlaması planları barədə sənəd qısa müddət əvvəl sızdırılmışdı. Belə ki, bu sənəd Massachusetts Milli Qvardiyasının zabiti 21 yaşlı Jack Douglas Teixeira tərəfindən discord qruplarının birində sızdırılmışdı. Bununla da demək olar ki, ABŞ kəşfiyyat orqanları Çinin bu planını diqqətlə izləyir. Hətta ABŞ kosmik qüvvələrinin komandiri generak B.Chans Saltzman bu yaxınlarda rəsmi Vaşinqtonun yeni bir təhlühə dövrü ilə üzləşdiyini qeyd etmişdi. Salzman bilidirib ki, Çin son 6 ayda orbitlə 35 peyk buraxıb.
Ümumiyyətlə Çin Xalq Cumhuriyyətini düşmən ölkələrə məxsus peykləri ələ keçirmək üçün kiber silah hazırlamağa vadar edən bir səbəb var. Bu isə ABŞ-ın Starlink peykləridir. Belə ki, Çinli tədqiqatçılar bunu açıq olaraq etiraf da etmişdirlər. Onlar bildirib ki Starlink-dən gələn potensial təhlükə Çin üçün böyüyür. Yəni Çinin hal-hazırda əsas məqsədi “orbitdə liderlik” etməkdir.
