Mobil texnologiyalar baxımından, Mobil Dünya Konqresi (MWC 2023) olduqca maraqlı yarmarkadır. Çünki şirkətlər ən son texnologiyalarını və gələcək ideyalarını burada nümayiş etdirirlər. Bu şirkətlərdən biri də Xiaomi idi. Şirkət hazırda bazarda olan bütün AR eynəklərindən daha təkmil texnologiyaya malik eynək olan Xiaomi Wireless AR Glass Discovery Edition modelini təqdim etdi.
Wireless AR Glass Discovery Edition xüsusiyyətləri
Xiaomi Wireless AR Glass Discovery Edition, karbon lifi və maqnezium-litium qarışığından ibarət 126 qramlıq çox yüngül struktura malikdir. Eynəklərdəki ekranlar 1200 nit parlaqlıqda Full HD vizual görüntülər təqdim edərkən, bu ekranların altında Micro-OLED panellər yerləşir. Xiaomi ətraf mühitin xəritələşdirilməsi üçün AR eynəklərinin ön hissəsinə 3 kamera yerləşdirib. Eynəklərində standart litium-ion batareyadan istifadə etmək əvəzinə, Xiaomi, inkişaf etdirdiyini bildirdiyi daha kiçik silikon-oksigen anod batareyasından istifadə edir. Bu batareyanın da çəkiyə töhfə verdiyi bildirilir.
Təchizat tərəfində Qualcomm-un Snapdragon XR2 Gen 1 çipi var, lakin eynəklərdə saxlama vahidi yoxdur. Belə ki, cihazdan istifadə etmək üçün onun telefon kimi bir cihaza qoşulması lazımdır. Xiaomi, AR eynəklərində “aşağı gecikmə müddəti olan rabitə əlaqəsindən” istifadə etdiyini qeyd etdi. Şirkətin sözlərinə görə, bu yeni simsiz əlaqə sayəsində gecikmə müddəti 50ms səviyyəsindədir ki, bu da simli bağlantılarla müqayisə edilə bilər. Məlumatlara görə, Xiaomi WiFi və Bluetooth birləşməsindən istifadə edərək bu aşağı gecikməyə nail ola bilib.
Bu ağıllı eynək modelinin ekranının digər müsbət xüsusiyyəti də var. Bu qabiliyyət tək düymə ilə eynəklərin şüşələrini qaraldır. Elektroxrom linzalar sayəsində reallaşan bu xüsusiyyət sayəsində şəffaflığın arzu olunmadığı vəziyyətlədə, məsələn, film izləmək üçün ideal istifadə ssenari təqdim edir. Modelin nə vaxt bazara çıxacağı bəlli deyil. Məhsul hazırda prototip mərhələsindədir və məhdud istifadəçi bazası tərəfindən sınaqdan keçirilir.
