Smartfon həvəskarlarının uzun müddətdir səbirsizliklə gözlədiyi Redmi Note 14 seriyasının rəsmi anonsu nəhayət ki Xiaomi tərəfindən gəldi. Beləliklə, yeni cihazın təqdimat tarixi, xüsusiyyətləri elan edilib.
Xiaomi brendi bu həftə maraqla gözlənilən Redmi Note 14 seriyasını təqdim edəcəyini rəsmi olaraq açıqlayıb. Weibo-da edilən elanda iki fərqli cihazın yer aldığı bir poster də paylaşılıb. Hər iki smartfon əyri dizayna sahib olsa da, biri kamera sensorlarını şüşə panelin altında gizlədir. Bununla belə, digər smartfonda sensorlar nəzərə çarpacaq dizayna sahibdir.
Ümumiyyətlə, yeni seriya davamlılığa və istifadəçi təhlükəsizliyinə diqqət yetirir. Redmi vurğulayır ki, yeni smartfonlar zərbəyə, suya davamlılıq kimi xüsusiyyətlərə malikdir. Həmçinin brendin rəsmi saytında cihazlar üçün əvvəlcədən sifarişlərə başlanılıb. Redmi Note 14 seriyasının üç modeldən ibarət olacağı gözlənilir: Redmi Note 14, Redmi Note 14 Pro və Redmi Note 14 Pro+ modlləridir. Seriyanın ən sərfəli modeli olan Redmi Note 14-ün 1.5K AMOLED ekrana sahib olacağı və sələfindən daha yaxşı görüntü keyfiyyəti təqdim edəcəyi bildirilir. Cihazın arxa tərəfində 50 MP təsvir ölçülü üçlü kamera quraşdırılacaq. Prosessor tərəfində isə MediaTek Dimensity 6100+ çipsetinin istifadə ediləcəyi təxmin edilir.
Pro və Pro+ modellərinin 120Hz yeniləmə sürətinə malik əyri 1,5K OLED ekrana sahib olacağı deyilir. Hər iki modelin arxa tərəfində 50 meqapiksellik üçlü kamera sistemi olacaq. Pro modelinin Snapdragon 7s Gen 3 prosessoru, Pro+ modelinin isə Dimensity 7350 çipseti ilə təchiz ediləcəyi gözlənilir. Pro modellərindən birinin 90Vt sürətli şarj dəstəkləyəcəyi də iddialar arasındadır.
