Xiaomi brendinin yeni təqdim edəcəyi Redmi Note 13 barədə bəzi dizayn xüsusiyyətləri ortaya çıxıb. Ümumiyyətlə Redmi Note seriyası çinli texnologiya nəhənginin ən məşhur seriyalarından biridir. Həmçinin Xiaomi Redmi Note seriyasına sonuncu dəfə 12T Pro modelini əlavə etmişdi. Qeyd edək ki, son dövrlərdə orta seqmentdə olduqca performanslı modellər təklif edən bu seriya ölkəmizdə də böyük tələb görür. İndi isə çinli nəhəngin yeni Redmi Note 13 modeli barədə məlumatlar ortaya çıxıb.
Xiaomi brendi yeni Redmi Note 13 seriyasını bu ilin sonu təqdim etməyi planlayır. Lakin artıq yeni modelin nazik çərçivələrə sahib olacağı ortaya çıxıb. Bundan əlavə yeni smartfonun ekran-çərçivə nisbəti artacaq. Yəni Xiaomi yeni redmi note seriyasında əvvəlki modellərdə etdiyi səhvi təkrarlamayacaq. Ümumiyyətlə hal-hazırda bazarda olan redmi note modelləri orta seqmentdə ən az ekran-gövdə nisbətinə sahib olan modellərdəndir. Qeyd edək ki, yeni Redmi Note 13 modeli 6.7 düymlük OLED ekrana sahib olacaq. Artıq ekranın yan tərəflərin çıxıntı hiss edilməyəcək dərəcədə az olacaq.
Bundan əlavə smartfon Redmi Note 12T Pro modelinin ekran panelinə sahib olacaq. Yəni FHD təsvir ölçülü 144 Hz ekran yenilənmə tezliyi Redmi Note 13 üçün də keçərli olacaq. Smartfonun bu ilin sonunda təqdim edilməsi gözlənilsə də, 2024-cü ilin əvvəlindən smartfon beynəlxalq bazara çıxa bilər. Hələlik isə yeni seriya barədə digər texniki xüsusiyyətlər məlum deyil.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
