İkinci əl avtomobil bazarının ən aktual mövzularından biri məhz avtomobillərin vəziyyəti və ya onların rəngidir. Avtomobilin rəngi onun satış dəyərinə təsir etməsi ilə bağlı iSeeCars tədqiqat qrupu ABŞ-da 1.3 milyondan çox ikinci əl avtomobillər üzərində araşdırma edib. Nəticədə isə məlum olub ki, müxtəlif seqmentlərdə sarı, bej və narıncı rənglər avtomobilin satış dəyərinə müsbət təsir göstərir. Təbii ki, avtomobilin satış dəyəri dedikdə ilk olaraq texniki cəhətdən ümumi vəziyyəti nəzərə alınır. Lakin araşdırmada iştirak edən avtomobillərin hər biri yalnız 3 il ərzində istehsal olunduğu üçün texniki cəhətdən yaxşı vəziyyətdədir.
Araşdırma nəticəsində məlum olub ki, 3 il ərzində avtomobillər öz dəyərinin təxminən 22.5%-i itirir. Lakin sarı rəngli avtomobillərdə bu göstərici sadəcə 13.5%, bej rəngli modellərdə 17.8% və son olaraq narıncı rəngli modellərdə isə 18.4% olub. Bundan əlavə yaşıl, qırmızı, ağ, göy, boz, bənövşəyi və gümüşü modellər müvafiq olaraq öz dəyərlərinin 19.2%, 20.6%, 21.9%, 22%, 22.5% və 22.7% hissələrini itiriblər. Maraqlısı budur ki, öz dəyərini ən çox itirən avtomobillər əsasən qara, qəhvəyi və qızılı rənglərdədir. Bu gün avtomobillərin çoxu standart olaraq ağ rəngdə təklif edilsə də, bu rəngdə olan avtomobillər əsasən öz dəyərinin 21.9% hissəsini itirir.
Maraqlısı budur ki, SUV modellərində sarı rəngin təsiri daha çoxdur. Bir çox insan sarı rəngli avtomobil istəməsə də, ikinci əl avtomobil bazarında bu modellər çox nadir və xüsusi olduğu üçün daha baha qiymətə satılır. Qeyd edək ki, SUV modellərində sarı rəngli avtomobillər öz dəyərlərinin sadəcə 9.1% hissəsini itirirlər. Ümumilikdə isə deyə bilərik ki, ikinci əl avtomobil bazarında avtomobilin rəngi onların dəyərinə təsir göstərən ən vacib ünsürlərdən biridir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
