Ötən il Apple brendi ənənədən kənara çıxaraq yeni Apple Watch modeli təqdim etmişdi. Belə ki, Watch Ultra adlanan daha böyük ekrana və daha çox batareya ömrünə sahib olan bu model istifadəçiləri həyəcanlandırmışdı. Satışa çıxarıldıqda isə Watch Ultra modeli yüksək tələbat görmüşdü. İndi isə dünyanın texnologiya nəhənglərindən olan Apple yeni Watch Ultra modeli üzərində çalışır və bu modeli iPhone 15 seriyası ilə birlikdə təqdim edə bilər. Beləliklə premium ağıllı saat bazarında liderlik edən Apple watchOS əməliyyat sisteminə sərmayə qoymağa davam edir.
Hər il yeni Apple Watch modeli təqdim edən şirkət bu il də, Watch Ultra seriyasına yeni model əlavə etməyi planlayır. Qeyd edək ki, Apple şirkəti Watch Ultra 2 modelini S9 prosessoru ilə təchiz edə bilər. Ümumiyyətlə Apple bu il iPhone 15 seriyası ilə birlikdə Watch 9 və Watch Ultra 2 ağıllı saatlarını da təqdim edəcək. Bu barədə isə məlumatı etibarlı insayder hesab olunan Mark Gurman verib. Lakin yeni ağıllı saatların dizaynı və ekran xüsusiyyətləri barədə hələlik məlumat yoxdur.
Bildiyimiz kimi, Watch Ultra modelləri daha böyük çərçivəyə və daha böyük ekrana sahib olurlar. Yeni Watch Ultra modelinin də sələfinə bənzər dizaynda olacağı gözlənilir. Lakin yeni model daha çox funksiyaya və daha çox sensora sahib ola bilər. Bundan əlavə batareya tərəfində də Apple bəzi təkmilləşdirmələr edə bilər. iPhone 15 seriyasının təchiz ediləcəyi A15 prosessorunan əsaslanacaq yeni S9 prosessoru ağıllı saatların performansını da artıracaq. Qeyd edək ki, yeni modellərin sentyabr və oktyabr ayında təqdim ediləcəyi gözlənilir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
