Dünyanın ən böyük havalimanlarına habelə ən çox reysli uçuşlarına sahib olan ABŞ-də 1 iyul tarixindən uçuşlar ləğv oluna bilər. Qeyd edək ki, əsas səbəb son dövrlərin ən mükəmməl texnologiyası hesab olunan 5G texnologiyasıdır. Ümumiyyətlə 5G texnologiyasının siqnalları çox güclü olduğundan bir çox aparata təsir göstərir. Bunlardan biri də təyyarələrdə istifadə olunan altimetrdir. Altimetr çoxlarına məlum olmayan bir termindir. Belə ki, təyyarələrin dəniz səviyyəsindən hündürlüyünü futa çevirən cihaz məhz altimetr adlanır. Lakin bu cihaz fəaliyyət göstərərkən radio dalğalarında istifadə edir. 5G texnologiyasının dalğaları isə bunun qarşısını ala bilər.
5G texnologiyası səbəbindən ABŞ-də 1 iyul tarixindən uçuşlar ləğv edilə bilər. Lakin bəzi aviaşirkətlər artıq təyyarələrinin altimetrlərini təkmilləşdirdiklərini açıqlayıblar. ABŞ Nəqliyyat Naziri Pete Buttigieg bildirir ki, aviaşirkətlər 1 iyul tarixinə qədər bütün təyyarələrinin hündürlükölçənini yəni altimetrlərini təkmilləşdirməlidir. Təbii ki, bu qədər qısa zaman ərzində bir çox aviaşirkət tələbi yerinə gətirə bilməyəcək. Nəticədə isə uçuşlar ya ləğv olunacaq ya da təxirə salınacaq. Artıq Air India kimi böyük aviaşirkətlər bütün təyyarələrinin yeni tələbə cavab verdiyini bildirib.
Lakin bəzi kiçik şirkətlər və ya Delta Airlines və JetBlue kimi aviaşirkətlər 1 iyul tarixində 207 təyyarəsinin uçuşunu ləğv edəcək. Təbii ki, bu vəziyyət bir çox şirkətin maliyyə problemi ilə üzləşməsinə də səbəb olacaq. Lakin ABŞ qərarını dəyişməyəcək. Çünki nazir bildirir ki, bu vəziyyət gələcəkdə çox böyük qəzalara səbəb ola bilər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
