Xiaomi MIX Fold 2 ilə ilk canlı tanışlığımız bu il MWC23 timsalında baş tutmuşdu. İndi isə ilin ikinci yarısına keçid etmişkən, Xiaomi şirkəti 3-cü nəsil qatlana bilən smartfonu olan MIX Fold 3 modelini təqdim edib. Qatlana bilən forması ilə MIX Fold 3 birbaşa Samsung-un yeni yaranmış Galaxy Z Fold 5 modelini hədəf alır. Xüsusiyyətləri ilə yanaşı dizaynı və bir daha incə quruluşu ilə diqqət çəkməyi bacarır. Xiaomi MIX Fold 3-ün dizayn baxımından əvvəlki versiyaya nisbətən daha erqonomik olduğunu söyləmək mümkündür. Qatlanmış vəziyyətdə qalınlığı cəmi 10,96 mm-dir. Bu, onu ən nazik qatlana bilən smartfonlardan birinə çevirir. Xiaomi daxili ekranda ekranın həm qalınlığını, həm də bükülmə xəttini azaltmaq üçün yeni qatlama mexanizmindən istifadə edir.
Ekran panellərindən danışmışkən, bir az da ətraflı məlumat verək. Belə ki, cihazın daxili ekranı 2K təsvir ölçülü 8,03 düymlük qatlana bilən E6 AMOLED LTPO paneldən yaralanır. Qatlana bilən cihaz FHD+ təsvir ölçüsü və 120Hz yeniləmə tezliyi ilə xaricdəki qapaq ekranında da bənzər parametrlərə malik 6,56 düymlük AMOLED panelə maildir. TÜV Rheinland sertifikatına əsasən, MIX Fold 3-ün ekranı 500.000 bükülməyə tab gətirə bilir. Həmçinin, smartfonun xarici ekranı üçün Corning Gorilla Victus 2 qoruyucu şüşəb və daxili ekran üçün UTG qoruması quraşdırılıb.
Texniki cəhətdən smartfonun daxilində Snapdragon 8 Gen 2 çipseti bizi qarşılayır. Xiaomi, artan istilik problemlərini tarazlaşdırmaq üçün xüsusi bir soyutma həllindən də istifadə edir. Şirkətin məlumatlarına görə, tətbiqlərdən istifadə zamanı cihazın temperaturu oyunlar üçün 36.2 dərəcəyə çatır. Digər bir tərəfdən, 16 GB-a qədər LPDDR5X RAM və 1 TB-a qədər UFS 4.0 yaddaşı təklif edir.
Kameralar da olduqca MIX Fold 3 modelində qarşımıza çıxır. Leica tərəfindən imzalanmış dörd kamera var. Telefonun arxa tərəfində 50MP IMX800 sensoru əsas kamera kimi mövcuddur və OIS ilə gücləndirilib. 13MP ultra geniş kamera 120 dərəcə baxış bucağına sahibdir. Bundan əlavə, 10MP telefoto kamera 3.2x və 10MP periskop-telefoto kamerası 5x optik yaxınlaşdırma edə bilər. Təbii ki, OIS burada da mövcuddur. Selfi kameramız isə Xiaomi şirkətinin standart 20MP sensorundan güc aır.
4800mAs batareyası 67 vatt naqilli, 50 vatt naqilsiz şarj imkanına sahibdir. 12GB RAM və 256GB yaddaşa malik MIX Fold 3-ün əsas variantını ~1239 dollara əldə etmək mümkündür. Bu qiymət əvvəlki modellə eynidir. Top variantı isə təqribən 1515 dollar təşkil edir. Cihaz yalnız Çində, 16 avqustdan etibarən mövcuddur. Telefonun qlobal miqyasda satışa çıxarılıb-açılmayacağı dəqiqləşdirilməsə də IFA çərçivəsində qlobal bazar üçün nümayiş etdiriləcək.
