Uzunmüddətdir Xiaomi brendinin yeni MIUI 14.5 yenilənməsi üzərində çalışdığı hərkəsə məlum olmuşdu. Lakin indi Çinli texnologiya nəhəngi MIUI 14.5 yenilənməsini ləğv edib. Belə ki, Android 14 üçün hazırlıqlarını davam etdirən texnologiya nəhəngi MIUI 15 yenilənməsinə daha çox diqqət ayıracaq. Xatırladaq ki, ötən günlərdə MIUI 15 yenilənməsi alacaq və almayacaq smartfonlar bəlli olmuşdu.
Ümumiyyətlə ötən aylarda keçirilən tədbirdə yeni Android 14 təqdim edilmişi. Bu təqdimatdan sonra isə smartfon istehsalçıları dərhal yeni əməliyyat sistemi üçün interfeys hazırlamağa başlamışdılar. Bundan əlavə isə Xiaomi brendinin MIUI 14.5 yenilənməsini təqdim edəcəyi də gözlənilirdi. İndi məlum olub ki, texnologiya nəhəngi rəqiblərindən geri qalmamaq üçün bu yenilənməyi ləğv etmək və sadəcə MIUI 15 interfeysinə diqqətləri yönəltmək qərarı alıb. Xatırladaq ki, Android 12 əsaslı MIUI 13 dən sonra Xiaomi brendi MIUI 13.5 versiyası ilə Android 13 sisteminə keçid etmişdi. İndi isə Çinli brend ənənəvi qaydalarından kənara çıxır.
Xiaomiui mənbəsini veriyi məlumata əsasən Xiaomi brendinin MIUI 14.5 yenilənməsini dayandırdığı məlum olsa da, MIUI 15 yenilənməsinin nə zaman təqdim ediləcəyi hələlik məlum deyil. Lakin şirkətin yeni interfeysi bu ilin sonlarında daha dəqiq desək dekabr ayında təqdim etməsi gözlənilir. Qeyd edək ki, eyni adlı mənbə ötən gün MIUI 15 yenilənməsi alacaq və almayacaq smartfonların siyahısını təqdim etmişdi. Aşağıdakı xəbərdə siyahını görə bilərsiniz.
