Xiaomi Android 15 əsaslı HyperOS 2.0 versiyasını sınaqdan keçirməyə başlayıb, belə ki, yeni versiyanı əldə edəcək bəzi smartfonlar da məlum olub. Qeyd edək ki, HyperOS 2.0 əsasən batareya tərəfində həm optimallaşdırlamalar, həm də təkmilləşdirmələr təklif edəcək. Habelə, yeni versiya ilə mənxfilik xüsusiyyətlərində də yenilənmələrin olacağı gözlənilir.
Bildiyiniz kimi, Google Android platformasının növbəti böyük yeniləməsi olan Android 15 üçün işini başa çatdırmaq üzrədir. Hal-hazırda beta tədqiqatları davam edərkən, istehsalçıların önümüzdəki dövrlərdə stabil versiyasını buraxması gözlənilir. İndi isə Xiaomi Android 15 əsaslı HyperOS 2.0 versiyasını sınaqdan keçirməyə başlayıb. Gizmochina-nın yeni təfərrüatlarına görə, Xiaomi-nin OTA yeniləmə serverində yeni “OSBigversion” uzantısı aşkar edilib. Bu yeni genişləndirmə bizə HyperOS 2.0 üçün düzəlişlərin başladığını göstərir.
Məsələn, HyperOS 1.0 istifadə edirsinizsə, bu genişləndirmə [OSBigversion] => 1.0 kimi göstərilir və ya HyperOS 2.0 istifadə edirsinizsə, bu genişləndirmə [OSBigversion] => 2.0 kimi göstərilir. Əvvəllər isə bu bölmədə heç bir məlumat mövcud deyildi. Rəsmi məlumatlara görə, Xiaomi HyperOS 2.0 seçilmiş Xiaomi cihazları üçün sentyabr və oktyabr ayları arasında buraxılacaq. Bundan əlavə, yeni versiya Xiaomi 14, Xiaomi 13T Pro və Xiaomi Pad 6S Pro 12.4 üçün beta olaraq buraxılıb. Buna görə də stabil versiyaya çatdıqda, bu modellər rəsmi yeniləməni alan ilk cihazlar olacaq. HyperOS 2.0 yeniləməsini alması təsdiqlənən cihazlar aşağıdakılardır:
- Xiaomi: Xiaomi 14 Ultra, Xiaomi 14, Xiaomi 13T Pro, Xiaomi 13T, Xiaomi 13 Lite, Xiaomi 12 Pro, Xiaomi 12, Xiaomi 12T Pro, Xiaomi 12T
- Redmi: Redmi Note 13 Pro+ 5G, Redmi Note 13 Pro 5G, Redmi Note 13 Pro, Redmi Note 13 5G, Redmi Note 13, Redmi 13C, Redmi Note 12, Redmi 12 5G, Redmi 12
- POCO: POCO F6 Pro, POCO F6, POCO X6 Pro, POCO X6, POCO M6 Pro 5G
