Son dövrlərdə OLED ekranlar planşetlər üçün standart xüsusiyyətə çevrilib. Hətta, Xiaomi Pad 7 seriyasının tandem OLED displey ilə təqdim edilməsi gözlənilir. Bundan əlavə, texnologiya nəhənglərindən olan Honor və Huawei də ikiqat OLED planşetlər hazırlayır.
Xiaomi Pad 7 və Pad 7 Pro adlı iki modelin yer alacağı gözlənilən seriyanın Apple iPad Pro M4 kimi ikiqat OLED ekran ilə təchiz edilməsi gözlənilir. Ümumiyyətlə, ikiqat OLED ekran ilk dəfə olaraq Honor Magic 6 Ultimate ilə bazara çıxmışdı. Lakin, bu texnologiya 2024 iPad Pro modeli ilə birlikdə populyarlıq qazanmağı bacarmışdı. İkiqat OLED panel adından da göründüyü kimi, iki OLED təbəqəsinin bir-birinin üstünə inteqrasiyası ilə yaradılmışdır. Beləliklə, bu texnologiya ekranın xidmət müddətini artırı və daha yüksək parlaqlığa sahib olmasına imkan verir.
Bundan əlavə, Honor və Huawei ikiqat OLED ekranlı planşetlər hazırlayarkən, Xiaomi flaqman smartfon modeli Xiaomi 15 Ultra üçün tandem OLED panelindən istifadə etməyi düşünür. Weibo platformasından olan Smart Pikachu adlı istifadəçi əsasən Çinli texnologiya nəhəngləri barəsində iddialarının etibarlılığı ilə tanınır. Məhz Pikachu-nun sözlərinə görə Huawei və Honor 2024-cü ilin sonuna qədər ikiqat OLED displeyli qabaqcıl planşetləri də satışa çıxaracaq.
