Koreyalı tədqiqatçılar real vaxtda formasını dəyişən eləcə də, qeyri-hamar səthləri və yüksək maneələri asanlıqla dəf edə bilən texnologiya hazırlayıblar. Belə ki, Koreyalı tədqiqatçılar çətin relyef şəraitində öz ənənəvi formasını dəyişərək bütün maneələri dəf edən təkər təqdim ediblər.
Tədqiqatçılar su damcısının səthi gərginliyindən ilhamlanaraq real vaxtda formasını dəyişdirərək qeyri-bərabər səthləri və yüksək maneələri asanlıqla dəf edə bilən formasını dəyişə bilən təkər hazırlayıblar. Ümumiyyətlə avtomobillərin, yük maşınlarının və velosipedlərin əsas komponentləri olan təkərlər günümüzdə o qədər geniş yayılmışdır ki, biz artıq onlarsız həyat təsəvvür edə bilmirik. Ancaq əlil arabalarından mobil robotlara və eləcə də SUV-lərə qədər təkərlər çətin ərazilərdə və qeyri-hamar səthlərdə çətinliklər ilə üzləşir.
Bu problemdən xəbərdar olan koreyalı tədqiqatçılar təkəri sözün əsl mənasında yenidən kəşf ediblər. Belə ki, alimlər ənənəvi formasını dəyişə bilən təkər hazırlayıb. Qeyri-hamar və ya maneələrlə dolu səth problemi formasını dəyişən təkər ilə artıq rahatlıqla dəf edilə bilir. Çətin əraziləri keçmək üçün havasız və ya qeyri-pnevmatik təkərlərdən istifadə olduqca əlverişlidir. Lakin onlar sərt və az deformasiyaya malik olduqları üçün yüksək maneələri dəf etməkdə çətinlik çəkirlər. Buna görə də, maye damcısının səthi gərginliyindən ilhamlanaraq, elm adamları düz yerdə normal təkər sürməyin üstünlüklərini qoruyarkən maneələri dəf edə bilən dəyişkən sərtliyə malik təkər hazırlayıblar.
