Ötən gün Xiaomi şirkəti Xiaomi 13 seriyasından əlavə olduqca sevilən Xiaomi Buds 4 seriyası qulaqlıqlarını və Watch S2 seriyası ağıllı saatını təqdim etmişdi. Uyğun olaraq Buds 4 modeli danışmağa başlasaq ilk öncə qulaqlığın dizaynı diqqət çəkməkdədir. Xaricdən baxdıqda olduqca erqonomik və premium görünən qulaqlıq ən müasir xüsusiyyətləri özündə birləşdirir. Lakin bəziləri üçün Xiaomi Buds 3 ilə müqayisədə bir mənfi dəyişikliyi var. Hansı ki, söhbət qulaqlığın tumurcuqlu rezinlərə sahib olmamasından gedir. Bəzi istifadəçilər rezinli qulaqlıqları daha yaxşı səs izolyasiyası və qulaqda daha sabit yerləşmə üçün sevsələr də Xiaomi Buds 4 modeli bu imkana malik deyil.
Bunun da səbəbi fikrimizcə, istifadəçiləri müəyyən qədər də olsa bir neçə ay əvvəl çıxan Xiaomi Buds 4 Pro modelinə yönəltməkdir. Lakin yenə də Buds 4 modeli ANC (səs-küy azaltma), 360 dərəcəlik “spatial (məkan, ambiyans)” səs, Hi-Res standartı, LHDC 5.0 dəstəyi kimi vacib imkanlara sahibdir. Hətta 3 ədəd mikrofonla təchiz ediliblər ki, proqram təminatı ilə külək səsinin belə asanlıqla mühitdən silinə biləcəyi bildirilir. Qeyd edək ki, Buds 4 modeli IPX54 standartına malikdir.
Xiaomi Buds 4 qulaqlığının qabı 480mAs həcmli batareya ilə təchiz edilib. Uyğun olaraq hər bi qulaqlıqda da 30mAs həcmində batareya mövcuddur ki, 6 saat fərdi, 30 saat isə qabla işləmə müddəti verməkdədir. Qulaqlıq eyni anda iki fərqli cihaza bağlanmağı bacarır. Qiymətinə gəldikdə isə Buds 4 modelinin qiyməti 699 Yuan (100$) səviyyələrindən başlayır.
Xiaomi Buds 4 qulaqlığından əlavə Xiaomi Watch S2 ağıllı saatı da təqdim edilib
Təqdim edilən digər bir ağıllı aksesuar isə Xiaomi Buds 4 xaricində Watch S2 ağıllı saatı idi. Xiaomi Watch S2 modeli 46mm və 42mm olmaqla 2 fərqli varianta malikdir. Gövdələrinin fərqli olması isə 1.32 düymlük və 1.43 düymlük iki fərqli ekranı Watch S2 seriyasında qarşımıza çıxarır. Hər iki variantı 466×466 piksel təsvir ölçüsünə malik olub, AMOLED ekran paneli ilə təchiz edilmişdir.
5ATM suya dayanılqlı Watch S2 seriyası aldığınız 2 fərqli variantdan aslı olaraq 5 gündən 12 günə qədər batareya ömrü verir. Ağıllı saat paslanmaz polad materiallı gövdədən hazırlanıb. Qanda oksigen miqdarı, bədən temperaturu, ürək döyüntüsü, yuxuya və stresə, qadınlarda tsiklik dövrlərə nəzarət, bədəndəki yağ, zülal və.s kimi detalların ölçülməsi bu Xiaomi Watch S2 seriyası ilə mümkündür. Bluetooth 5.2, NFC və daxili GPS bağlantısına sahibdir. 42mm olan modeldə 305mAs həcmli, 46mm modeldə isə 500mAs batareya mövcuddur.
Saatın qiymətinə gəldikdə ilkin sifariş qiyməti 42mm model üçün 140 dollar, 46mm üçün 160 dollar səviyyələrindədir. Həm Xiaomi Buds 4 modelinin, həm də Xiaomi Watch S2 ağıllı saatının qlobal bazardakı mövcudluğu isə Xiaomi 13 seriyasının qlobal bazardakı təqdimatı zamanı dəqiqləşəcək. Qlobal bazar üçün nəzərdə tutulan təqdimat tarixi isə naməlumdur.
