Bildiyimiz kimi, Xiaomi brendi bu il yeni flaqman 15 seriyasını hazırlamağa başlayıb. Həmişə olduğu kimi, bu dəfə də smartfon seriyası hələ təqdim edilməmiş onun barəsində yeni məlumatlar ortaya çıxıb. Belə ki, yeni Xiaomi 15 Pro modelinin smartfonlar arasında dünyada bir ilkə imza ataraq ən yüksək ekran-gövdə nisbətinə malik olacağı iddia edilir. Həmçinin yeni smartfon seriyasının barmaq izi tərəfində də bir çox yeniliyə sahib olması gözlənilir.
Xiaomi brendinin oktyabr ayında təqdim etməsi gözlənilən Xiaomi 15 Pro modelinin Qualcomm Snapdragon 8 Gen 4 çipsetindən güc alması da gözlənilir. Həmçinin performas tərəfində lider olacaq smartfonun olduqca incə ekran çərçivəsinə sahib olacağı gözlənilir. Hətta Xiaomi 15 Pro modelinin bir ilkə imza ataraq yalnız 0.6 mm qalınlığında çərçivəyə sahib olacağı iddia edilir. Qeyd edək ki, bu iPhone 15 Pro və iPhone 15 Pro Max modellərindəki LIPO texnologiyası nəticəsində 1.55 mm-ə qədər azaldılan çərçivədən belə incə olacq. Eyni zamanda smartfon dünyanın ən yüksək ekran-gövdə nisbətinə sahib olacaq.
Görünən odur ki, Xiaomi dizayn tərəfində hədəflərini bu il artırmağı planlayır. Həmçinin texnologiya nəhəngi flaqman seriyasında yeni barmaq izi skan texnologiyasından istifadə etməyi düşünür. Goodix mənbəsi tərəfindən verilən məlumata görə Xiaomi bu dəfə flaqman seriyasında GUM5228 adlı ultrasəs barmaq izi texnologiyasından istifadə edəcək. Qeyd edək ki, bu skaner AMOLED ispleyinin altına yerləşdirilib və tanıma sahəsi 5×5 mm-dir. Yeni həll CMOS sensor arxitekturasına əsaslanır və bütün modulun qalınlığı 0,17 mm-dir. Ümumiyyətlə ultrasəs skanerləri optik analoqlarından daha etibarlıdır, çünki istifadəçinin barmaq izlərinin üçölçülü xəritəsini yaratmaq üçün yüksək tezlikli səs dalğalarından istifadə edir, həmçinin qan axını və nəbzini qeyd edir, ona görə də onları aldatmaq daha çətindir.
