Apple performans tərəfində daha da təkmilləşdirmə edərək qarşımıza M3 prosessorlu MacBook Air modellərini çıxarıb. Beləliklə, texnologiya nəhənginin bundan əvvəlki MacBook Air seriyası satışdan çıxarılıb. 13 düym və 15 düym ekran ölçülərinə malik yeni noutbukların qiymətləri və xüsusiyyətləri necədir?
Apple brendinin yeni M3 prosessorlu MacBook Air modelləri ilkin olaraq performans tərəfində sələfindən daha yüksək nəticə göstərir. Belə ki, yeni M3 prosessoru M1-dən 60%-ə qədər yüksək performans təklif edir. Əvvəlki M2 ilə müqayisədə isə, tək nüvədə 17%, çox nüvədə isə 21% performans artımı təmin edir. Qeyd edək ki, GPU performansında 15% artım olduğu da bildirilir. Texnologiya nəhəngi, daha sürətli və daha səmərəli Neural Engine sayəsində süni intellekt performansında əhəmiyyətli bir artım olduğunu bildirib. 3nm istehsal prosesinə əsaslanan M3 prosessoru 8 CPU nüvəsinə və 10 nüvəyə qədər konfiqurasiya edilə bilən GPU vahidinə malikdir.
Standart səviyyədə 8GB RAM və 256 GB yaddaşa sahib olan MacBook Air modeli 24GB-2TB yaddaş seçimi ilə də təklif olunur. Ümumiyyətlə, MacBook Air 13,6 düym və 15,3 düymlük ölçülərdə 500 nit parlaqlığa malik Liquid Retina displey seçiminə sahibdir. Nazik və yüngül kompüterlər 18 saata qədər batareya ömrü, ikiyə qədər xarici displey dəstəyi və iki dəfəyə qədər sürətli Wi-Fi 6E dəstəyi təklif edir. Bundan əlavə noutbuk iki Thunderbolt bağlantısı, 3,5 mm qulaqlıq yuvası, 1080p FaceTime kamerası, Dolby Atmos səs dəstəyi, Touch ID kimi xüsusiyyətlərlə təchiz edilib. Qiymət tərəfində isə 8 mart tarixindən bütün regionlarda satışa çıxacaq M3-də 13,6 düymlük MacBook Air 1099 dollardan, 15,3 düymlük model isə 1299 dollardan başlayan qiymətlərə sahibdir.
