Xiaomi-nin çox yaxında təqdim edəcəyi flaqman smartfonlarından biri olan Xiaomi 15 Pro canlı olaraq görütülənib. Qeyd edək ki, şirkətin yeni flaqman seriyası olan Xiaomi 15 oktyabrın 20-də keçiriləcək tədbirdə bizlərə təqdim ediləcək.
İndiyə qədər smartfonun dizaynından tutmuş, demək olar ki, bütün xüsusiyyətlərinə qədər bir çox detalı sızdırılıb. Həftə sonu isə smartfon ilk dəfə canlı olaraq görüntülənib. Seriyanın yüksək səviyyəli modeli olacaq Xiaomi 15 Pro canlı olaraq Xiaomi Group meneceri Wang Xiaoyan-ın əlində görülüb. Böyük bir ehtimal isə Wang bunu bilərəkdən edərək marketinq addımına çevirib. Çox təfərrüat açıqlanmasa da, smartfonun xüsusən də arxa tərəfdən necə görünəcəyi barədə fikir əldə edə bilərik.
Smartfon ilk baxışdan Xiaomi 14 Pro-ya bənzəyə bilər. Ancaq çox vacib bir fərq var. Yəni, LED flaş kamera adasından çıxarılır. Yeni cihazda flaş sağ tərəfdə kənarda yerləşəcək. Xiaomi 15 Pro dizayn baxımından ciddi dəyişikliklərə məruz qalmasa da, texniki cəhətdən böyük təkmilləşdirmələr alacaq. Cihazda 50 MP 3x optik böyütmə dəstəyi ilə yeni periskop telefoto kamera görəcəyik. Hətta flaş məhz bu nəhəng sensor üçün kamera adasından çıxarılmış ola bilər. Həmçinin 50 MP əsas kamera və 50 MP ultra geniş kamera da olacaq. Smartfonda 2K təsvir ölçülü 120 Hz yenilənmə tezliyinə malik 6,73 düymlük ekran bizi qarşılayacaq. Habelə, Xiaomi 15 Pro Snapdragon 8 Gen 4-dən istifadə edən ilk cihazlardan biri olacaq və 16 GB-a qədər RAM və 1 TB-a qədər yaddaşa sahib olacaq.
