Xiaomi 13 seriyası ilə bağlı indiyə qədər müxtəlif iddialar irəli sürülüb, hətta smartfonun ilkin render görüntüləri belə paylaşılmışdı. Belə ki, hər kəs yeni seriyanın Xiaomi 13 olacağını güman edirdi. Lakin Weibo şəbəkəsində ortaya çıxan görüntülər brendin yeni seriyasının Xiaomi 14 adlanacağını iddia edir. Əlavə olaraq qeyd edək ki, şirkət yeni seriya ilə birlikdə gəlməsi gözlənilən MIUI 14 interfeysinin də rəsmi loqotipi də paylaşılıb.
Yeni adı ilə Xiaomi 14 seriyası yaxın həftələrdə təqdim ediləcək
Bundan əvvəl Qualcomm şirkətinin keçirdiyi tədbirdə smartfonun adının dəyişdirildiyinə dair şübhələr ortaya çıxmışdı. Çünki, hər il rəsmi əməkdaşlıq posterlərində yeni Snapdragon çipsetlərinin işlədildiyi smartfonların adları açıqlanırdı. Lakin bu il smartfonların adları əvəzinə Xiaomi ilə əlaqədar posterə növbəti nəsil Xiaomi seriyası Snapdragon 8 Gen 2 çipsetini əldə edəcək deyə qeyd edildi. Ortaya çıxmış bu görüntülərlə birlikdə şirkətin həqiqətən 13 rəqəmindən imtina etdiyini söyləmək mümkündür.
Weibo platformasında paylaşılan görüntülərdə yeni seriyaya aid smartfonun MIUI 14.0.2.0 əsaslı Android 13 əməliyyat sistemi ilə işləyəcəyi qeyd olunub. Çin texnologiya nəhəngininin yeni nəsil premium smartfonları Snapdragon 8 Gen 2 çipseti ilə təchiz olunacaq. Həmçinin smartfonun 8 GB və 12 GB olmaqla iki fərqli operativ yaddaşla satışa çıxarılacaq. Seriya daxilində smartfonların LTPO texnologiyasına malik 6.26 və 6.7 düymlük AMOLED ekranlara malik olacağı da dəqiqdir.
Qeyd edək ki, Weibo platformasında paylaşılmış şəkillərin nə dərəcədə rəsmi olduğu hələlik məlum deyil. Güman edilir ki, Xiaomi gələn həftə yeni seriyasının təqdimat tarixini təsdiqləyəcək. Həmçinin brendin yeni seriyasının hər 2 modelinin Çində sınaqdan keçirildiyi iddia olunur.
Paylaşılmış görüntülərdə Xiaomi 14 seriyasının MIUI 14 interfeysi ilə gələcəyi qeyd edilmişdi. Şirkət ötən gün yeni MIUI 14 interfeysinin çox yaxında təqdim ediləcəyini açıqlayan yeni interfeysinin loqosunu paylaşıb. Belə ki, Xiaomi şirkətinin Məhsul Direktoru olan Jin Fan təqdimata bir neçə gün qalmış yeni interfeysin loqosunu göstərib və qarşılarına qoyduqları yeni məqsədlər barəsində danışıb. Belə ki, o MIUI 14 ilə istifadəçilərə asan, yüngül və olduqca sadələşdirilmiş mobil inerfeysi təklif etmək istədiklərinin bildirib. Qeyd edək ki, yeni interfeysin təqdimatı yaxın günlərdə baş tutacaq və indiyə qədər interfeysin necə görünəcəyi tamamilə gizli saxlanılıb.
