Ötən aylarda Apple şirkətinin keçirdiyi WWDC 2023 tədbirində elan edilən və böyük müzakirələrə səbəb olan Apple Vision Pro eynəyi barədə yeni məlumat ortaya çıxıb. Belə ki, əfsanəvi Windows XP əməliyyat sistemi Apple Vision Pro qarışıq reallıq eynəyində işə salınıb. Ümumiyyətlə tərtibatçılar yeni eynəyi təqdim etsə də, hələ də onun üzərində çalışır. Məhz çalışmalar zamanı onlar microsoft şirkətinin əfsanəvi əməliyyat sistemini qarışıq reallıq eynəyində işə salmağı bacarıb.
Qeyd edək ki, UTM tərtibatçıları Windows XP əməliyyat sistemini Apple şirkətinin Vision Pro qarışıq reallıq eynyində işə salmağı bacarıb və bunu rəsmi twitter hesablarında paylaşıblar. Maraqlısı budur ki, Windows XP əməliyyat sistemi artıq bir çox istifadəçi tərəfindən unudulmuşdu. İndi isə Apple Vision Pro eynəniydə bu əməliyyat sistemindən yenidən istifadə etmək olacaq. Lakin bu yenilik gələcəkdə Vision Pro eynəyinin Linux, Windows və digər macOS əməliyyat sistemləri ilə təchiz edilə biləcəyindən xəbər verir. Yeni əməliyyat sistemi cihazda işləsə də, bəzi xüsusiyyətləri dəstəkləmir. Belə ki, əməliyyat sisteminə nə isə yükləmək və ya məlumat daxil etmək olmur.
Ümumiyyətlə Apple brendinin Vision Pro cihazı ilk növbədə AR cihazı kimi hazırlanıb, lakin sahib olduğu texniki imkanlar hesabına tam virtual reallıq arasında keçid edə bilir. Vision Pro ilə bağlı açıqca demək mümkündür ki, istifadəçinin ehtiyacı olan tək şey otaqdır. Çünki, idarə etmək üçün sadəcə əlləriniz, gözləriniz və ya danışmağınız kifayətdir. Həmçinin Cihaz real vaxt rejimində sensorların emalına həsr olunmuş yeni “R1” çipi ilə birləşdirilmiş M2 prosessoru ilə işləyir.
