Apple şirkətinin 2 qurucusundan biri olan Steve Wozniak regionun ən böyük innovasiya sammiti üçün Bakıya gəlir. Belə ki, Tedroid Media-nın da media tərəfdaşı olduğu InMerge Innovation Summit üçün bir çox məşhur şəxslər ölkəmizə gələcək. Onlardan biri isə bu gün texnologiya sahəsinin aparıcı brendlərindən olan Apple şirkətinin qurucularından olan Steve Wozniakdır. Qeyd edək ki, 72 yaşından olan Steve Wozniak 1976-cı ildə dostu və ortağı Steve Jobs ilə hazırda 2.8 trilyondan çox dəyəri olan Apple şirkətini qurmuşdu. Həmçinin Wozniak qurduqları şirkətin ilk məhsullarını, o cümlədən Apple I və Apple II kompüterlərini dizayn edib.
Həyatını sıfırdan qurmağı bacaran Wozniak bakıda keçiriləcək InMerge Innovation Summit tədbirində iştirak edərək, texnologiya həvəskarlarına öz həyatından danışacaq və onlar üçün maraqlı məqamlara toxunacaq. Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır.
Tədbirdə Steve Wozniak-dan əlavə olaraq, Azərbaycan bazarında yeni daxil olan Trendyol şirkətinin icraçı direktoru Çağlayan Çetin, UnionBank of Flippin-in icraçı direkoru David Hardoon, o cümlədən Bakcell şirkətinin baş direktoru Klaus Müller və məşhur TED spikeri Michael Ringel kimi adlar da iştirak edəcək. Bundan əlavə Kapital Bank baş icraçı direktoru Fərid Hüseynov, Caucasus Ventures baş partnyoru Məmməd Kərim, PAŞA Holdiniq baş icraçı direktoru Cəlal Qasımov da iştirak edəcək. Ümumilikdə isə sammitdə Ecom, Fintech, Telecom, süni intellekt, Insurtech və energy mövzularında danışıqlar da olacaq. 30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
