Yəqin ki, bir çoxumuzun gündəlik qarşılaşdığı problemlərdən ən əhəmiyyətlisi məhz siçanlarımızı itirmək və ya onları xarab etmək, hətta evdə qoymaqdır. Lakin yeni təqdim edilən WowMouse proqramı ilə indi WearOS saatları da eynilə Bluetooth siçana çevirərək işlətmək mümkündür. WearOS əməliyyat sistemi ilə ağıllı saatlar üçün hazırlanan və CES 2024 sərgisində təqdim edilən bu proqram artıq gündəlik problemlərdən birini rahatlıqla həll edir. Qeyd edək ki, proqramın əsası ağıllı saatlarda mövcud olan akselerometr kimi həssas sensorlardan istifadə etməyə dayanır.
Bluetooth bağlantısı ilə indi WearOS saatları istənilən kompüter, planşetə qoşmaqla onları Bluetooth bağlantılı siçana çevirmək olur. İstifadəçilər sadəcə əl və qol hərəkətləri ilə saatlarını daha doğrusu yeni siçanlarını hərəkət etdirə bilir. Qeyd edək ki, klikləmək funksiyasını yerinə yetirmək üçün isə sadəcə şəhadət barmağı ilə baş barmağa toxunmaq kifayət edir. Olduqca asan istifadəyə sahib olan WowMouse proqramı diqqətləri cəlb etməyi bacarıb. Hələlik şirkət proqramı Galaxy Watch 4, 5 və 6 modellərində sınaqdan keçirib. Lakin yenə də WearOS sisteminə sahib digər saatlarda da bu proqramı sınamaq olar.
Ümumiyyətlə son dövrlərdə geyinilə bilən məhsullar diqqət cəlb edir. Belə ki, ağıllı üzük Amazfit Helio Ring də sadə və olduqca asan istifadə təmin edirdi. Görünən odur ki, artıq texnologiyanın gələcəyi məhz geyinilə bilən məhsullardadır. Hətta vr eynəklərinin özü də bunu bir daha sübut edir. Artıq VR eynəkləri ilə evinizin, ofisinizin daxilində kompüter, ekran və ya monitora ehtiyac duymada həm işlərinizi həll edə, həm internetə çıxış imkanı əldə edə, həm də sinema təcrübəsini yaşaya bilərsiniz.
