Bir çox texnologiya nəhəngi hazırda qatlanan və ya daha yüksək tezlikli innovativ yeniliklərlə smartfon hazırlamağa çalışsa da, Nokia hələ də öz ənənəsindən imtina edə bilmir. Belə ki, HMD tərəfindən 2024-cü ildə USB-C portlu yeni Nokia 6310, 230 və 5310 telefonları təqdim edilib. Görünən odur ki, əfsanəvi telefon istehsalçısı müasir dövrün tələblərinə uyğunlaşmağa çalışır. HMD, keçmiş dizaynlara əsaslanan, lakin müasir toxunuşlara malik üç yeni Nokia telefonunu elan edib. Bəs gəlin görən köhnə nəslin müasir nümayəndələri bizlərə hansı xüsusiyyətlər təklif edir?
Nokia markalı telefonlar istehsal etmək üçün lisenziyaya sahib olan HMD Global bu yaxınlarda 2024-cü il üçün 3 telefonu yeniləyib. Beləliklə, Nokia brendinin USB-C portlu 6310, 5310 və 230 telefonları həvəskarları üçün təqdim edilib. Bu telefonlar hələ də klassik dizaynlarını qoruyub saxlayırlar və 2G bağlantısı təklif edirlər. Yeni Nokia 230 modeli dizayn baxımından sələfindən fərqlənmir, lakin o yeni batareya və USB-C portu ilə yenilənib. 2.8 düymlük TFT ekrana və LED flaşlı 2 MP kameraya sahib olan telefon sadə və etibarlı istifadə təmin edir. 8MB ram və 16MB yaddaşa sahib olan telefon Unisoc 6531F prosessoruna və 27 günə qədər istifadə təklif edən 1450mAs batareya ilə təchiz edilib.
Yeni Nokia 6310 sələfinin möhkəm dizaynını miras alır. Bu telefonda digərləri kimi yeni batareya və USB-C portuna sahib olub. Qeyd edək ki, telefon 2,8 düymlük LCD ekran və ikili SİM dəstəyi kimi ənənəvi xüsusiyyətlərini qoruyub saxlamaqla sadə istifadə təklif edir. 0,3 MP kameraya sahib olan telefon 27 günlük istifadə imkanı verən 1450mAs batareyaya sahibdir. Yeni Nokia 5310 modeli musiqiyə daha çox diqqət yetirir və digərləri ilə eyni yenilikləri əldə edib. Onun 2,8 düymlük LCD ekranı var və Unisoc 6531F prosessorunu daşıyır. Telefonun sağ tərəfində musiqi oxumaq üçün xüsusi düymə və asan istifadə təmin edən səs tənzilməyici düymələr mövcuddur.
