Prezident Trumpın oğulları kiçik Donald Trump və Erik Trumpın rəhbərlik etdiyi “Trump Organization” “Trump Mobile” brendi altında T1 Mobile adlı yeni mobil simsiz xidmətini elan edib. Xidmət ABŞ-dakı əsas telekommunikasiya provayderləri ilə rəqabət apararkən sərfəli qiymətə 5G xidmətləri təklif etməyi hədəfləyir. Trump Mobile həmçinin sentyabr ayında satışa çıxarılacaq T1 Phone smartfonunu da elan edib.
Beləliklə, elan edilən yeni Trump T1 Phone üzərində Amerika bayrağı olan qızılı rəngli metal çərçivə və üçlü kamera qurğusu ilə təchiz edilib. Telefon 6,8 düymlük 120 Hz yeniləmə sürətinə malik AMOLED displey, 50 meqapiksellik əsas kamera, displeydaxili barmaq izi sensoru və süni intellektlə kiliddən çıxarma sisteminə malikdir. Telefon Android 15-də işləyir. Qeyd edək ki, T1 Phone ABŞ-da dizayn və istehsal olunacaq. Telefonu hazırda 499 dollar qiymət etiketi ilə əvvəlcədən sifariş etmək mümkündür. Maraqlısı budur ki, hazırda smartfonun prosessoru ilə bağlı heç bir məlumat paylaşılmayıb.
Trump Mobile, Amerika xalqını yüksək səviyyəli smartfon bağlantısı xidməti ilə təmin etmək məqsədi daşıyan simsiz xidmət kimi yerləşdirilib. Onun simsiz xidmət planının diqqət çəkən məqamlarından biri də onun ABŞ-ın 47-ci prezidenti Donald Trampa istinad edən “The 47 Plan” planıdır. Ümumiyyətlə, yeni cihaz limitsiz danışıq dəqiqəsi, mesajlaşma və internet xidməti təklif edir. Bundan əlavə, 7/24 yolkənarı yardım, Virtual tibbi yardım, psixi sağlamlıq dəstəyi və reseptlə verilən dərmanların asan sifarişi və çatdırılması daxil olmaqla telesəhiyyə xidmətləri smartfonun üstünlükləri arasındadır. Trump Mobile üçün heç bir müqavilə tələb olunmur. Trump Mobile-a keçmək üçün smartfon istifadəçiləri 888-TRUMP45 nömrəsinə zəng etməlidirlər. Trump Mobile həmçinin müştəri dəstəyini vurğulayır; ABŞ-dakı real nümayəndələr botlar və ya avtomatlaşdırılmış sistem cavabları olmadan 24/7 mövcud olacaq. Şirkət iddia edir ki, T1 Mobile ölkənin ən böyük 5G şəbəkələrində işləyir və bu, Birləşmiş Ştatlarda möhkəm əhatə dairəsini təmin edəcək.
