Amerikanın avtomobil nəhəngi olan Tesla bu dəfə elektromobil yox özünəməxsus dizaynlı saat təqdim edib. Beləliklə elektromobil bazarında dünyada liderliyi əlində saxlayan Tesla yeni S3xy saatını bizlərə təqdim edib. Qeyd edək ki, bu saat alüminum stendə malikdir. Habelə ev saatı kateqoriyasına aid edilən S3xy 6 ədəd rəngli IPS displeyə sahibdir. Qeyd edək ki, bu kiçik ekranlar stendin üzərindəki lampa şəkilli yuvarlaq şüşənin daxilində yerləşdirilib. Habelə bu 6 ekrandan sadəcə 5-ni fərdiləşdirmək mümkündür.
Tesla S3xy Time Glow Clock olaraq təqdim edilən bu saat müxtəlif ekran rejimlərinə sahibdir. Habelə saatın digər xüsusiyyətlərinə fərdiləşdirilə bilən şəkillər, “gecikmə” seçimi ilə proqramlaşdırılmış zəngli saat və daxili dinamika aiddir. Hətta bu xüsusi dizaynlı saat 6 ədəd fərqli alarm səsinə də sahib olub. Təbii ki, saat USB-C ilə şarj olur. Bu isə onun sürətli şarj olmasını dəstəkləyir. O cümlədən S3xy Wi-Fi sinxronizasiyasına sahibdir. Hətta Tesla gələcəkdə bu saat üçün proqram təminatı yeniləmələrini təqdim etməyi planlaşdırır.
Qeyd edək ki, bu saatın ölçüləri 204 × 68 × 70 mm-dir. Həmçinin bu saat nə az, nə çox 116 dollara təklif olunur. Ümumiyyətlə bu saat Teslanın öz dizayn xəttinə tamamilə uyğun gəlir. Tesla şirkətinin elektromobilləri də alüminium rəng palitrasına sahibdir və bu saat kimi özünəməxsus dizayn təklif edir. Ümumiyyətlə Tesla kimi nəhəng şirkətin belə bir məhsul ilə gündəmə gəlməsi isə bir çox insanda təəccüb doğurub.
